સોસાયટીમાં રહેતાં અબ્દુલ ભટ્ટીના પુત્ર અલી અસગરનો લગ્નપ્રસંગ હોઈ ઘરે ઘણાં મહેમાનો આવ્યાં હતાં. આ સમયે નજીકમાં રહેતો આદમ અઝીઝ ખત્રી ઈલેક્ટ્રીક સ્કુટરથી પૂરઝડપે બેથી ત્રણ વખત શેરીમાંથી પસાર થતાં અલી અસગરે તેને થોભાવી વાહન ધીમે હંકારવા જણાવ્યું હતું.

થોડીકવાર બાદ આદમ ખત્રી, તેના પિતા અઝીઝ ખત્રી, ભાઈ ઈબ્રાહિમ, કાકા સત્તાર ખત્રી તથા અન્ય ચારથી પાંચ જણે ધોકા, લોખંડની ટામી વગેરે હથિયારો સાથે આવીને હુમલો કર્યો હતો.

આરોપીઓએ એસિડ ઍટેક કરતાં ફરિયાદી અખ્તર અબ્દુલ ભટ્ટીના બનેવી મોઈન મામદ ગાલા, પિતા અબ્દુલ, બહેન નાઝમીન, માતા રૂકિયા, કાકી હસીના વિવિધ અંગો દાઝી ગયાં હતાં. તો, અલી અસગર, તેના ભાઈ અરમાન, માતા રૂકિયા અને બહેન નાઝમીનને ધોકા તથા ટામીથી પગ, માથા, પીઠ સહિતના અંગોમાં ઈજા થઈ છે. બનાવ અંગે ભુજ બી ડિવિઝન પોલીસે આદમ અઝીઝ ખત્રી, અઝીઝ ખત્રી, ઈબ્રાહિમ અઝીઝ ખત્રી, સત્તાર ખત્રી તથા સાથે આવેલા અન્ય ચારથી પાંચ અજાણ્યા શખ્સો સામે એસિડ ઍટેક (ઈપીકો કલમ ૩૨૬) સહિત અન્ય વિવિધ કલમો તળે ગુનો નોંધ્યો છે.

પોલીસે બંને ફરિયાદોમાં રાયોટીંગ સહિતની કલમો લગાડી છે. ભુજ બી ડિવિઝન પોલીસે એસિડ ઍટેકની ફરિયાદના પગલે અબ્દુલ સત્તાર ખત્રી, આદમ ખત્રી, ઈસ્માઈલ અઝીઝ ખત્રી, અબ્દુલ અઝીઝ ખત્રી એમ ચાર લોકોની ધરપકડ કરી છે, જ્યારે ક્રોસ ફરિયાદ સંદર્ભે અખ્તર ભટ્ટી નામના શખ્સની અટક કરી છે. બનાવ અંગે પીઆઈ આર.જે. ઠુમ્મરે તપાસ હાથ ધરી છે.