નવાબે કૃણાલ જોશી નામ ધારણ કરી ફેસબૂક એકાઉન્ટ બનાવીને નિઝામુદ્દીનનો સંપર્ક કરીને માર્કેટ રેટ કરતાં પંદર ટકા ઓછાં ભાવે સોનુ ખરીદી તેનો બિઝનેસ કરવા ઑફર કરેલી.

ફરિયાદીની વારંવાર માંગણીને કારણે ડિસેમ્બરમાં ઈકબાલ ચૌહાણ અને ફેબ્રુઆરીમાં નવાબે કેટલાંક રૂપિયા પરત આપીને બાકીના ૨૮.૭૫ લાખની ‘ટોપી’ પહેરાવેલી. એટલું જ નહીં ફરિયાદીએ પોલીસ ફરિયાદની ચીમકી આપતાં બેઉ જણે તેને મારીને ક્યાંય ફેંકી દેવાની અને કોઈને ખબર પણ નહીં તેવી ધમકી આપેલી. ઈકબાલે કસ્ટમ ઑફિસરનો સ્વાંગ રચીને ગુનો આચર્યો હતો. નિઝામુદ્દીને પત્નીના દાગીના વેચી, મકાનના પ્લોટ વેચીને, મિત્રો પાસેથી ઉછીના અને વ્યાજે નાણાં લઈ બેઉ ઠગને આપ્યા હતાં.

જો કે, ગુનામાં નવાબની મુખ્ય ભૂમિકા હોવાનું અને આર્થિક ગુનો હોવાનું જણાવી છઠ્ઠા અધિક સેશન્સ જજ શિલ્પાબેન કાનાબારે અરજી ફગાવી દીધી છે.

ભુજમાં બી ડિવિઝન પોલીસ મથકની હદમાં હાથ ધરાયેલાં કોમ્બિંગ ઓપરેશન દરમિયાન એક રીઢા આરોપીના ઘરમાંથી પહેલી નજરે ચલણી નોટના રંગ-રૂપ અને કદ આકારના બંડલો દેખાય તેવા કોરાં કાગળના ૯૦ બંડલો પોલીસે જપ્ત કર્યાં છે. પોલીસે આલાવારા કબ્રસ્તાન પાછળ રહેતા રમજાનશા કાસમશા શેખ નામના શખ્સના ઘરમાંથી આવા ૯૦ બંડલો જપ્ત કર્યાં છે. જો કે, આરોપી મળ્યો નથી. રમજાનશા સામે અગાઉ ભુજ અને માધાપરમાં ઠગાઈના બે ગુના સહિત ચાર ગુના નોંધાયેલાં છે. આવા કોરાં કાગળોના બંડલોનો ઉપયોગ લોકોની ઠગાઈ કરવામાં થતો હોવાની ભૂતકાળમાં અનેક ઘટનાઓ પોલીસ ચોપડે નોંધાઈ ચૂકેલી છે.