એક્સ્ટ્રા ટ્રીપ મારફતે એસટી નિગમે ૬૭ હજાર ૬૬૬ પ્રવાસીઓને સુવિધા આપી હતી. વિશેષ આયોજન થકી એસટી નિગમને પ્રતિ કિલોમીટરે ૪૬.૭૨ રૂપિયાની આવક થઈ છે. આ વિશેષ આયોજનમાં એસટીના ૨૭ અધિકારી અને સુપરવાઈઝર જોડાયાં હતા. ગત વર્ષની તુલનાએ આ વર્ષે એસટી નિગમે ૧૬.૩૬ લાખ રૂપિયા વધુ આવક મેળવી છે. ગત વર્ષની તુલનાએ આ વર્ષે ૧૪૫ વધુ ટ્રીપ સાથે ૨૫ હજાર ૬૩૭ કિલોમીટરથી વધુ અંતરનું સંચાલન કરવામાં આવ્યું હતું. 

આગામી દિવાળીના પર્વને અનુલક્ષીને ભુજ ડેપોએ વધુ એકવાર લાંબા અંતરની એકસ્ટ્રા બસોના સંચાલનનું આયોજન ઘડી નાખ્યું છે. આગામી ૧૬ ઓક્ટોબરથી ૧૯ ઓક્ટોબર દરમિયાન પંચમહાલ, ગોધરા, સાબરકાંઠા, બનાસકાંઠા વગેરે જિલ્લાને જોડતી એક્સ્ટ્રા બસો દોડાવાશે. પ્રવાસીઓ એડવાન્સ બુકિંગ કરાવી શકશે. આખી બસનું ગૃપ બુકિંગ કરાવનારને ઘરઆંગણે લેવા મૂકવાની સુવિધા ઉપલબ્ધ કરાવાશે.