ભચાઉ પોલીસે ૫.૩૩ લાખની કિંમતના ૧૦ કિલો ગાંજાને બાદ કરતાં  તમામ કેસોમાં ડ્રગ્ઝ તરીકે ગાંજો ઝડપાયો છે અને તમામ કેસોમાં ૩૦ ગ્રામથી લઈ ૬૦૨ ગ્રામ સુધીનો ગાંજો જપ્ત કરાયો છે.

કાયદાની પરિભાષા મુજબ એક કિલોગ્રામથી ઓછો ગાંજાનો જથ્થો સ્મૉલ ક્વૉન્ટિટી ગણાય છે. સામાન્યતઃ સ્મૉલ ક્વૉન્ટિટીના કેસોની ટ્રાયલ નીચલી કૉર્ટોમાં જ ચાલતી હોય છે.

DGPનો હેતુ ડ્રગ્ઝના નેટવર્કને મૂળમાંથી તોડી પાડવાનો છે પરંતુ તેમના નિર્દેશના પગલે પોલીસ સ્ટેશનોના અધિકારીઓ જો કાગળ પર કામગીરી દેખાડવા ખાતર યંત્રવત્ રીતે સ્મૉલ ક્વૉન્ટિટીના NDPSના કેસો દાખલ કર્યા કરશે તો અંતે સમગ્ર પ્રક્રિયા દેશી દારુના એકના એક બૂટલેગરો પર અઠવાડિયે ત્રણથી ચાર વખત નોંધાતા કેસો જેવી બિનઅસરકારક પુરવાર થવાની આશંકા છે. ચોપડે કેસો તો નોંધાતા રહેશે પરંતુ બદી યથાવત્ જ રહેશે.