ટ્રેલર પર પાણીનો તોતીંગ પાઈપ લાદેલો હતો. બનાવ અંગે વિધિની મોટી બહેન દિવ્યાએ GJ-12 BY-3314 નંબરના ટ્રેલરના ચાલક વિરુધ્ધ માનકૂવા પોલીસ મથકે ફરિયાદ નોંધાવી છે.

મરણ જનાર વિધિ ભુજના કૈલાસનગરમાં માતા અને મોટી બહેન સાથે રહેતી હતી. એક દોઢ વર્ષ અગાઉ વિધિના પિતાનું અકાળે મૃત્યુ નીપજ્યું હતું. હતભાગી વિધિ થોડાંક સમય અગાઉ પોસ્ટ વિભાગમાં નોકરી લાગી હતી. બાર સાયન્સ પૂર્ણ કર્યાં બાદ તે ડૉક્ટર બનવા ઈચ્છતી હતી. આ વર્ષે તેણે ફરી વખત નીટની પરીક્ષા આપી હતી. પરંતુ, સપનું સાકાર થાય તે પહેલાં ક્રૂર વિધાતાએ વિધિની આંખોને કાયમ માટે મીંચી દીધી છે.