કિશોર વયનો મિત્ર એક્ટિવા હંકારતો હતો અને રઘુવીર તેની પાછળ બેઠો હતો. વાહનચાલકે કિશોરીને રસ્તામાં આંતરી ઊભી રાખેલી અને ‘તારે મારા આ મિત્ર સાથે મેળ કરવો છે?’ તેવું પૂછેલું. કિશોરી ઉશ્કેરાઈ જતા બેઉ જણ ત્યાંથી નાસી ગયેલાં. ઘટના અંગે માનકૂવા પોલીસ મથકે ફરિયાદ નોંધાઈ હતી.

કૉર્ટે ભારતીય ન્યાય સંહિતાની કલમ ૭૫ (૧) (૨) હેઠળ ૧ વર્ષની સખ્ત કેદ અને ૧ હજાર રૂપિયા દંડ, કલમ ૭૮ (૧), (૧) હેઠળ ૧ વર્ષની સખ્ત કેદ અને ૧ હજાર રૂપિયા દંડ અને પોક્સો એક્ટની કલમ ૧૨ મુજબ ૧ વર્ષની સખ્ત કેદ અને ૧ હજાર રૂપિયા દંડ ફટકાર્યો છે. દંડની રકમ વસૂલ થયે ભોગ બનનારને વળતર પેટે ચૂકવી આપવા હુકમ કરવા સાથે કૉર્ટે ભોગ બનનાર કિશોરીને પચાસ હજાર રૂપિયાનું વળતર ચૂકવવા જિલ્લા કાનૂની સત્તા મંડળને સૂચના આપી છે.