ગુજરાત ઊર્જા વિકાસ નિગમ લિમિટેડની ટીમ દ્વારા ૫ ડિસેમ્બર ૨૦૨૧ના રોજ બાનિયારી ગામે સર્વે નંબર ૩૫૫/૨૩માં કાર્યરત NRGP સોલ્ટ નામના મીઠા કારખાનામાં ચેકીંગ કરાયું હતું. ફેક્ટરીના વીજ મીટરને ચેડાં કરીને રીડીંગ બંધ કરી દઈ ડાયરેક્ટ વીજ પ્રવાહ મેળવાતો હોવાની ગેરરીતિ તપાસમાં બહાર આવેલી.

આ કેસમાં આજે ૯ સાક્ષી અને ૪૨ દસ્તાવેજી પુરાવાના આધારે ભચાઉના બીજા અધિક સેશન્સ જજ તથા ખાસ ઈલેક્ટ્રીસીટી કૉર્ટના જજ ભરત એલ. ચૌઈથાણીએ ધી ઈન્ડિયન ઈલેક્ટ્રીસીટી એક્ટની કલમ ૧૩૫ અને ૧૫૦ હેઠળ બેઉને દોષી ઠેરવીને ૩ વર્ષની સખ્ત કેદની સજા ફટકારી છે. સજા સાથે કૉર્ટે બેઉ જણને ૫૨.૮૧ લાખનો દંડ ભરવા હુકમ કર્યો છે.

ભચાઉના અધિક જિલ્લા સરકારી વકીલ ધર્મેન્દ્રસિંહ એસ. જાડેજાએ સરકાર તરફે કેસની પેરવી કરી હતી.