૫૨ વર્ષિય ફરિયાદી નવીન કેશવજી નીસર  (રહે. મુંબઈ) પોતે ચાર્ટર્ડ એકાઉન્ટન્ટ તરીકે પેઢી ધરાવે છે. નવીને જણાવ્યું કે તેમના નાના પોપટલાલ હિરજીભાઈ કારીયા (શાહ)ના નામે શિકરા ગામે સીમ સર્વે નંબર ૩૭૧વાળી ખેતીની જમીન આવેલી છે.

પોપટલાલનું નિધન થતાં ઓક્ટોબર ૨૦૨૩માં તેમના પુત્ર અને પુત્રીઓ, પ્રપૌત્રો, પ્રપૌત્રીઓ, દોહિત્રાઓ અને દોહિત્રીઓ વગેરે સહિત ૩૦ જણના નામ વારસાઈમાં નાખવા માટે સૌ વારસદારોએ સર્વસંમતિથી પોપટલાલના પ્રપૌત્ર દિનેશ વાઘજી કારીયા અને અરવિંદ મુરજી કારીયા (બંને રહે. મુંબઈ)ને આધાર કાર્ડ અને સોગંદનામા સાથેની અરજી આપેલી. જેના આધારે બેઉ પ્રપૌત્રએ ડિસેમ્બર ૨૦૨૩માં તમામના નામની વારસાઈમાં નોંધ કરાવીને તે નોંધ પ્રમાણિત કરાવી હતી.

તપાસ કરતા જાણવા મળેલું કે દિનેશ અને અરવિંદે અન્ય ૨૮ વારસદારોના હક્ક કમીના બોગસ સોગંદનામા રજૂ કરીને આ ગોરખધંધો આચરેલો. મુંબઈના ત્રિભુવન શર્મા નામના નોટરી પાસે વારસદારોએ સોગંદનામા કરાવ્યાં હોવાના દસ્તાવેજો રજૂ થયેલાં.

જેમના નામ કમી થયેલા તે વારસદારોની પૂછપરછ અને નોટરીને ત્યાં કરેલી તપાસમાં બહાર આવેલું કે નોટરીને ત્યાં કોઈએ સોગંદનામા કે તેમાં સહીઓ કર્યા જ નહોતા. નોટરીના નામના પણ ખોટાં સહી સિક્કા થયેલાં.

નોંધ પ્રમાણિત થવામાં થોડાંક દિવસો બાકી હોઈ ફરિયાદીએ સૌના સોગંદનામા જોડીને ભચાઉ પ્રાંત અધિકારીને વેચાણ નોંધ રદ્દ કરવા રજૂઆત કરેલી. જેના આધારે પ્રાંત અધિકારીએ વેચાણ નોંધને રદ્દ કરેલી. ભચાઉ પોલીસે ગુનો દાખલ કરી તપાસ હાથ ધરી છે.