સવારે સાત વાગ્યે દીકરી પુષ્પા તેની બહેન સાથે પિતા અને ભાઈ માટે શિરામણ લઈને ખેતરે ગઈ ત્યારે પિતા લોહીલુહાણ હાલતમાં ખાટલાં પર પડ્યાં હતા. તેમના માથા અને ગળા પર કુહાડીના ઘા મારી હત્યા કરી નખાઈ હતી. પ્રકાશ વાડીમાંથી નાસી ગયો હતો. બનાવ અંગે પુષ્પાએ પિતાની હત્યા બદલ ભાઈ પ્રકાશ સામે ભચાઉ પોલીસ મથકે ફરિયાદ નોંધાવી હતી.

આ ગુનામાં ફરિયાદ પક્ષે રજૂ થયેલાં ૨૩ સાક્ષી અને ૧૮ દસ્તાવેજી આધાર પુરાવા, પબ્લિક પ્રોસિક્યૂટર અને ડિફેન્સના ધારાશાસ્ત્રીઓની દલીલો, કાયદાની જોગવાઈઓ અને અર્થઘટનના આધારે આજે સવારે ભચાઉના ત્રીજા અધિક સેશન્સ જજ અંદલિપ તિવારીએ પ્રકાશ ગોઠીને પિતાની હત્યા બદલ દોષી ઠેરવી ઈપીકો કલમ ૩૦૨ હેઠળ સખ્ત આજીવન કેદ સાથે પાંચ હજાર રૂપિયાનો દંડ ફટકાર્યો છે. હત્યા કર્યા બાદથી પ્રકાશ જેલમાં જ કેદ છે.

ફરિયાદ પક્ષે તેને ન્યૂટ્રલ વીટનેસ (તટસ્થ સાક્ષી) ગણવા દલીલ કરેલી અને બચાવ પક્ષે તેને ઈન્ટરેસ્ટેડ વીટનેસ (હિતધારી સાક્ષી) ગણવા રજૂઆત કરેલી. કેસની તપાસ તત્કાલિન ડીવાયએસપી કે.જી. ઝાલાના માર્ગદર્શનમાં પીઆઈ સિધ્ધાર્થ એન. કરંગિયાએ કરેલી અને ભચાઉના મદદનીશ જિલ્લા સરકારી અધિવક્તા ધર્મેન્દ્રસિંહ એસ. જાડેજાએ ધારદાર દલીલો કરેલી.