ફરિયાદી ૨૩ વર્ષિય હરેશ અમરતભાઈ ચાવડા (ઠાકોર) મૂળ રાધનપુરના મઘાપુરા ગામનો વતની છે અને હલરા ગામે કાનજી મણકાની વાડી ભાગવે રાખી, ૧૯ વર્ષની પત્ની શીતલ જોડે વાડીએ જ રહીને ખેતમજૂરી કરે છે.

વાડીમાં દિપુ અને તેની પત્ની, માતા વગેરે રહીને ખેતમજૂરી કરતાં હતાં. વાડીમાં તેમણે જીરું વાવેલું. વાવેતર વગેરેનો કુલ ખર્ચો ૮૭ હજાર ૫૦૦ રૂપિયા થયેલો જેનો હિસાબ કરતા દિપુએ વાડીમાલિક પ્રકાશને ૫૧ હજાર રૂપિયા આપવાના નીકળતાં હતાં. દિપુ સમયસર નાણાં ચૂકવી શક્યો નહોતો અને કાકાની દીકરીના લગ્ન હોઈ તે રાધનપુર જતો રહ્યો હતો.

પ્રકાશ મણકા અવારનવાર દિપુ અને વાડી ભાગવે અપાવનાર ફરિયાદીના પિતાને ફોન કરી બાકી રૂપિયાની માંગણી કર્યાં કરતો હતો. બાકી નાણાં પેટે ૨૪ મેના રોજ દિપુના ભાઈએ ફોન પેથી તેને દસ હજાર રૂપિયા મોકલી આપ્યાં હતાં.

૨૭ મેની સાંજે છ વાગ્યાના અરસામાં પ્રકાશે બાકી રહેલા ૪૦ હજાર રૂપિયાની ઉઘરાણી માટે ફરિયાદી હરેશને ફોન કરીને ધમકી આપવાનું શરૂ કરેલું. પ્રકાશે હરેશને ધમકી આપેલી કે ‘જો રૂપિયા ના થાય તો તારી પત્નીને મારી પાસે મૂકી દેજે’

પત્નીને ઝેરી દવા પીતી જોઈને હરેશ તેની પાસે દોડી ગયો હતો અને તેના હાથમાંથી બાટલી ખેંચીને ફેંકી દીધી હતી. હરેશ તત્કાળ તેને ભચાઉ સરકારી હોસ્પિટલ લઈ ગયો હતો. પત્નીએ તેને જણાવેલું કે ‘સરપંચ મારા ભાઈ પાસે વારંવાર રૂપિયા માંગતો હોઈ અને હવે આપણને પણ ધમકાવતો હોઈ મેં દવા પીધી છે’

હરેશના લગ્ન એક વર્ષ અગાઉ જ થયા હતા અને છેલ્લા નવ માસથી તે પત્ની શીતલને હલરાની વાડીએ લઈ આવ્યો હતો. ભચાઉ વિભાગના નાયબ પોલીસ અધીક્ષક સાગર સાંબડા સમક્ષ આજે હરેશે ફરિયાદ લખાવી છે, સામખિયાળી પીઆઈ વી.કે. ગઢવીએ તપાસ હાથ ધરી છે.