નેશનલ હાઈવે સાથે જોડાયેલાં સર્વિસ રોડ પર ઓવરલોડ મીઠું ભરેલી ટ્રકે સૌપ્રથમ કાર અને રીક્ષાને ટક્કર મારી હતી. બાદમાં સામેથી આવી રહેલાં બાઈકચાલકને કચડી નાખ્યો હતો. પોલીસ મથકેથી પ્રાપ્ત પ્રાથમિક માહિતી મુજબ મૃતકનું નામ પ્રભુભાઈ વાલાભાઈ વરચંદ (આહીર) (ઉ.વ. અંદાજે ૩૫, રહે. રામવાવ, ભચાઉ) છે. હતભાગી યુવક ખેતીના કામે ભચાઉ આવ્યો હતો. અકસ્માતના પગલે ઓવરલોડ વાહનો સામે જનાક્રોશ ફાટી નીકળ્યો છે.