ગત ઓક્ટોબર માસમાં અચાનક માંદગીનો ખાટલો આવતાં અકબરને નાણાંની તાકીદે જરૂરિયાત ઊભી થયેલી. અકબરે કંડલા રહેતા તેના મિત્ર ઈબ્રાહિમ મથડાને આ અંગે વાત કરતાં ઈબ્રાહિમે સિનુગ્રા ગામે રહેતો ઝુબેર સોઢા તેનો મિત્ર હોવાનું અને તે વ્યાજે નાણાં ધીરતો હોવાનું કહેલું. ફરિયાદીએ ફોન પર ઝુબેર જોડે દોઢ લાખ રૂપિયાની જરૂર હોવાનું જણાવતાં ઝુબેરે પાંચ ટકા વ્યાજે દોઢ લાખ રૂપિયા આપવાનું જણાવી બદલામાં કોઈ કિંમતી વસ્તુ ગીરવે મૂકવી પડશે તેમ કહેલું.

ફરિયાદીએ વ્યાજે લીધેલાં દોઢ લાખ રૂપિયાની સગવડ થઈ જતાં તે પાછાં આપીને ગાડી છોડાવવા માટે ૨૩-૧૨-૨૦૨૪ના રોજ તેનો સંપર્ક કરેલો. ઝુબેરે ફોન ના ઉપાડતાં ફરિયાદીએ તેના મિત્ર ઈમરાનને જાણ કરેલી.

ફરિયાદી સમજાવટ માટે ઈમરાન અને પીરસાહેબને લઈને ઝુબેરના ઘેર તેને મળવા ગયેલો. આરોપી ત્યારે ઘરે હાજર નહોતો. ઝુબેરના પિતાએ તેની જોડે ફોન પર વાત કરતાં તેણે ફરી એ જ માંગણી દોહરાવી હતી.