આમરડીમાં રહેતા ભરતભાઈ લુહારને સંતાનમાં ત્રણ પુત્રો છે. સમાજમાં સાટા પ્રથા હોઈ ૨૫ વર્ષના પુત્ર મનીષના લગ્નનું ક્યાંય ‘ગોઠવાતું’ નહોતું. દરમિયાન, લાકડીયા રહેતી ભરતભાઈના સાળાની પત્નીએ અમદાવાદ રહેતી તેની ભાભી રમિલાને મનીષના લગ્ન અંગેની વાત કરી ફોટો મોકલેલાં.

૨૨ માર્ચે સૌ ભચાઉથી અમદાવાદના વટવા વિસ્તારમાં રમિલાના ઘેર ગયેલાં. સોનલ ઊર્ફે સોનિયા રમેશભાઈ પટેલ તેની માતા ગંગાબેન સાથે મળવા આવેલી.

૨૯ માર્ચે જ અમદાવાદમાં ઘડિયા લગ્ન લેવાનું નક્કી કરેલું. છોકરીની માએ લગ્નના કપડાંની ખરીદી પેટે ૧૫ હજાર રૂપિયા માંગતા ફરિયાદીએ તરત રોકડાં રૂપિયા આપી દીધાં હતા. ૨૯ માર્ચે અમદાવાદના એક મંદિરમાં મનીષ અને સોનલના લગ્ન લેવાયેલાં.

લગ્ન બાદ સૌ હરખાતાં હરખાતાં પરત આમરડી ગામ આવ્યાં હતા. ૩૧ માર્ચના રોજ નજીકના ચોપડવા ગામનો નવીન મોહનભાઈ પરમાર નામનો યુવક ભરતભાઈને મળવા આવેલો.

તેનું લખાણ પણ લખાવ્યું હતું. લગ્નના ત્રણ દિવસ બાદ ‘મારે પિયરમાં માતાજીનું કંઈ કામ છે’ કહીને બે દિવસમાં પાછી આવી જવાનું કહી ફરાર થઈ ગયેલી.

મહેશ અને મનીષ જોડે લગ્ન કરનાર યુવતીનો આધાર કાર્ડનો ફોટો એકસરખો છે, પરંતુ નામ સરનામાં જુદાં જુદાં છે. મહેશ જોડે લગ્ન કરનાર યુવતીનું નામ આધાર કાર્ડમાં નિશા કરન કાલિયા (રહે. આણંદપર, રાજકોટ) લખેલું છે. ભરતભાઈને શંકા જતાં તેમણે સોનલની મા ગંગાબેન વાત કરીને રૂપિયા પરત માંગતા ગંગા ગલ્લાંતલ્લાં કરવા માંડેલી. જેથી ભરતભાઈએ સીધા ભચાઉ પોલીસ મથકે આવીને ફરિયાદ નોંધાવી છે.

બનાવ અંગે પોલીસે ભચાઉમાં રહેતા ધર્મેન્દ્રસિંહ સોલંકી નામના વચેટિયાની અટક કરી છે. આરોપી ધર્મેન્દ્ર લાંબા સમયથી દલાલ બનીને વાગડમાં લગ્નોત્સુક યુવકો પાસેથી પડાવી લૂંટેરી દુલ્હનો જોડે લગ્ન કરાવે છે. અગાઉ પણ તેની સામે ભચાઉ સહિતના પોલીસ મથકોમાં ફરિયાદો દાખલ થયેલી છે.

ભૂતકાળમાં ભચાઉ પોલીસ સ્ટેશનમાં ડી સ્ટાફમાં ફરજ બજાવતાં હેડ કોન્સ્ટેબલ રમેશ ચૌધરી અને ASI બી.જી. મિયોત્રા જેવા પોલીસ કર્મચારીઓએ તેને સરેઆમ છાવરેલો છે. માધાપરના એક યુવક સાથે લગ્નના નામે ૧.૩૦ લાખની છેતરપિંડી થયેલી. તેમાં દલાલ તરીકે ધર્મેન્દ્રની સંડોવણીનો આરોપ થયેલો.

ત્યારબાદ ડી સ્ટાફનો હેડ કોન્સ્ટેબલ રમેશ ચૌધરી આરોપીઓ પાસેથી રૂપિયા પરત અપાવી દેવાનો વાયદો કરીને અરજદારને ફરિયાદ ના નોંધાવવા દબાણ કરવા માંડેલો.

તે ગુનામાં વીડિયો પુરાવાની પેન ડ્રાઈવ પોલીસને અપાઈ હોવા છતાં તપાસકર્તા પીએસઆઈ કે.બી. તરારે કૉર્ટમાં પેન ડ્રાઈવ રજૂ કરી નહોતી. પૂર્વ કચ્છ એસપી સાગર બાગમાર ભચાઉ સહિત વાગડમાં નોંધાયેલાં આવા કેસોની ઊંડાણપૂર્વકની તપાસ કરાવે ખાખીની વરવી સંડોવણીની ઘણી ચોંકાનારી માહિતી બહાર આવી શકે તેમ છે. ગુનાની તપાસ પીઆઈ ડી.ડી. ઝાલાએ હાથ ધરી છે.