જીગર થાર ગાડી લઈને કેનાલ પાસે પહોંચેલો. જીગરના કહેવાથી કિયા કાર લઈને અકબર જુમાજી સમા (રહે. સામખિયાળી), દીપક ઊર્ફે ડાલો મોહન કોલી (રહે. ડાવરી ગામ, રાપર) અને ભાવેશ પ્રતાપ ઠાકોર (કોલી) (રહે. આણંદપર, રાપર) કેનાલ પાસે પહોંચેલાં. ત્યાં પાંથાવાડાનો જેઠો રબારી સ્કોર્પિયો કારમાં ઈંગ્લિશ દારૂ આપી ગયેલો.

સ્થળ પર હાજર હરદેવ, હરદેવના ભત્રીજા અજય નોંઘુભા વાઘેલા અને જીગરે દારૂનો જથ્થો બ્લેક ક્રેટામાં ભરેલો. હરદેવ અને જીગરે આ દારૂ ખોખરા (રાપર) ગામે રહેતા દશરથસિંહ પથુભા વાઘેલાને પહોંચતો કરવાની સૂચના આપતા અજય ક્રેટા કાર લઈને રાપર તરફ નીકળ્યો હતો.

પોલીસે ૩.૭૬ લાખના દારૂ, ચાર મોબાઈલ ફોન અને બે કાર મળી કુલ ૧૫.૭૧ લાખનો મુદ્દામાલ જપ્ત કરી પકડાયેલાં અને નહીં પકડાયેલાં તમામ બૂટલેગરો સામે ભચાઉ પોલીસ મથકે પ્રોહિબિશનની ધારાઓ તળે ગુનો દાખલ કર્યો છે. કામગીરીમાં એલસીબી પીઆઈ જે.એમ. વાળા, પીએસઆઈ ડી.જી. પટેલ સહિતનો સ્ટાફ જોડાયો હતો.

અંજાર પોલીસે બે જુદી જુદી રેઈડ કરીને ૨.૨૩ લાખના દારૂ સાથે ત્રણ બૂટલેગરોની ધરપકડ કરી છે. બાતમીના આધારે પોલીસે સૌપ્રથમ શહેરની જૂની કૉર્ટ પાછળ આવેલા વિજયનગરમાં રહેતા ધનરાજ સામરા ગઢવી નામના બૂટલેગરના ઘરમાં દરોડો પાડીને ૯૨ હજારનો શરાબ જપ્ત કર્યો હતો. બીજી તરફ, વરસામેડી સીમ વિસ્તારમાં વૉચ ગોઠવીને સ્વિફ્ટ કારમાં ૧.૩૧ લાખનો ઈંગ્લિશ દારૂ ભરીને જઈ રહેલા યુનિસ ઊર્ફે અપ્પુ અબ્દુલ રાઠોડ (ઉ.વ. ૧૯, રહે. મેઘપર કુંભારડી) અને ભગીરથ ભૂપેન્દ્રસિંહ જાડેજા (ઉ.વ. ૨૭, રહે. વરસામેડી)ને ઝડપી પાડ્યાં હતા. આ ગુનામાં કિશન શામજી મહેશ્વરી (રહે. આદિપુર) નામના ત્રીજા બૂટલેગરનું નામ ખૂલ્યું છે. પીઆઈ એચ.એ. જાડેજાની સૂચનાથી પીએસઆઈ એસ.જી. વાળા સહિતનો સ્ટાફ બંને દરોડામાં જોડાયો હતો.