આ વર્ધીના આધારે ગાંધીધામ મોટર એક્સિડેન્ટ ક્લેમ ટ્રિબ્યૂનલમાં ICICI લોમ્બાર્ડ જનરલ ઈન્સ્યોરન્સ કંપની વિરુધ્ધ ગફુરને થયેલી ગંભીર ઈજાના પગલે થયેલા સારવાર ખર્ચ અને નુકસાનીનું ભારે વળતર મેળવવા માટે દાવો દાખલ કરાયો હતો.

જેમાં ગફુરને ગંભીર ઈજાઓ થઈ હતી. બનાવ સમયે બાઈક ગુલમામદ રાઉમા હંકારતો હતો. કૉર્ટમાં ગુલમામદનું ડ્રાઈવીંગ લાયસન્સ પણ રજૂ કરાયું હતું.

કંપનીની તપાસમાં બહાર આવ્યું હતું કે ૦૬-૦૩-૨૦૨૩ના રોજ અકસ્માતગ્રસ્ત મોટર સાયકલને થયેલા નુકસાનનું વળતર મેળવવા માટે વાહન માલિક ફકીરમામદ ઓસમાણ રાઉમાએ પણ કંપનીમાં ક્લેમ કરેલો. જેમાં ફકીરમામદે પોતાનું ડ્રાઈવીંગ લાયસન્સ રજૂ કરીને જણાવ્યું હતું કે અકસ્માત સમયે બાઈક તે હંકારતો હતો!

કંપનીએ ફકીરમામદનું નિવેદન લેતા તેણે કબૂલ્યું હતું કે ખરેખર તો ગફુર કટારિયાથી સામખિયાળી જવા બાઈક લઈને એકલો નીકળ્યો હતો અને વાહન સ્લીપ થઈ ગયેલું!

ચારે જણે એકમેકની સામેલગીરીમાં ગેરકાયદે રીતે વળતર મેળવવા માટે કૉર્ટ અને વીમા કંપનીમાં ખોટા પુરાવા રજૂ કરી ખોટી વિગતો જાહેર કરીને ગુનો કર્યો હોવાનું જણાવી વીમા કંપનીના વાઈસ પ્રેસિડેન્ટ રાજીવકુમાર મિશ્રાએ શેહનાઝ ઘાંચી અને તેના પતિ ગફુર, ગુલમામદ રાઉમા તથા ફકીરમામદ રાઉમા સામે ઈ.પી.કો. કલમ ૪૨૦, ૧૭૭, ૧૯૩, ૧૯૯, ૨૦૩, ૨૦૯, ૧૧૪ હેઠળ લાકડીયા પોલીસ મથકે ફરિયાદ નોંધાવી છે. પીઆઈ જે.એમ. જાડેજાએ તપાસ હાથ ધરી છે.