નિરાલી સાથે અન્ય દસ કર્મચારીઓ પણ દુકાનમાં નોકરી કરે છે. ગઈકાલે ગુરુવારે નિરાલી નોકરી પર આવી નહોતી. બીજી તરફ, વેપારી દ્વારા રાબેતા મુજબ અઠવાડિયામાં એકવાર દુકાનમાં રહેલા સ્ટોકની ગણતરી શરૂ કરાયેલી. વેપારીએ ફોન કરીને નિરાલીને પૃચ્છા કરતાં તેણે ઘરે મહેમાન આવવાના હોવાનું બહાનું કરેલું.

સોનીએ નિરાલીને ફરી ફોન કરતાં તેણે પોતે બહાર નીકળી ગઈ હોવાનું જણાવેલું. સોનીએ તેના ઘેર જઈને પૂછપરછ કરતાં નિરાલીની માતાએ જણાવેલું કે એ તો દુકાને નોકરી જાઉં છું કહીને સવારની નીકળી ગઈ છે!

પોલીસે નિરાલી સાથે તેના મિત્ર અયુબ સીદીક કુંભાર (રહે. મદિનાનગર, ભચાઉ)ની ધરપકડ કરી લીધી છે. પોલીસે જણાવ્યું કે દાગીના ચોર્યાં બાદ નિરાલી અને અયુબ બેઉ જણ ભચાઉમાં જ એક સોનીની દુકાને દાગીના વેચવા ગયેલાં. પરંતુ, સોનીએ બિલ માંગેલું અને બિલ ના હોઈ બેઉ ત્યાંથી નીકળી ગયેલાં. પોલીસે ૨.૮૦ લાખના ત્રણે દાગીના રીકવર કરી લીધા છે. ગુનાની તપાસ પીઆઈ ડી.ડી. ઝાલા અને સર્વેલન્સ સ્ટાફે કરી હતી.