મરણ જનાર ૮૦ વર્ષિય હરિદાસ ત્રિભુવનદાસ સાધુ ભચાઉના વોંધ ગામે મફતપરા વિસ્તારમાં રહેતા હતા. પાંચ ભાઈ અને બે બહેનોમાં હરિદાસ સૌથી મોટાં હતા. હરિદાસને સંતાનમાં દીકરી કલાવતી અને દીકરો હસમુખ છે, બેઉ સંતાનો પરિણીત અને બચરવાળ છે.  મોટી દીકરી નજીકના પાંકડસર ગામે પતિ પરિવાર સાથે રહે છે જ્યારે તેનાથી નાનો દીકરો હસમુખ તેની પત્ની પુષ્પા, બે દીકરા, એક દીકરી અને માતા પિતા સાથે વોંધ ગામે રહે છે. હરિદાસનો નાનો ભાઈ ઘનશ્યામદાસ હતો જે ગુજરી ગયેલો છે. ઘનશ્યામદાસના બે પુત્રો મહેશ અને મુકેશ પણ વોંધમાં રહે છે.

આ બાબતને લઈને હરિદાસ અને હસમુખની મુકેશ જોડે અવારનવાર બોલાચાલી પણ થતી રહેતી. ગઈકાલે સાંજે હરિદાસ અને હસમુખની મુકેશ જોડે માથાકૂટ થયેલી. જેના લીધે મુકેશે બાપ બેટાને મારી નાખવાનો પ્લાન બનાવેલો.

આજે સવારે હત્યારો મુકેશ પુષ્પાના સસરાં હરિદાસ અને પતિ હસમુખ આવે તેની રાહ જોઈને વોંધના પુલિયા નીચે તલવાર અને તમંચા સાથે ટાંપીને બેઠો હતો. વોંધ ચોકડીએ હરિદાસની નિત્ય બેઠક હતી અને પુત્ર તેમને રોજ રીક્ષામાં અહીં ઉતારી જતો.

ગોળી વાગતાંની સાથે જ હરિદાસ લોહીલુહાણ બનીને જમીન પર ઢળી પડ્યાં હતા. હરિદાસને ઢાળી દીધા બાદ તેમના પુત્ર અને પોતાની પ્રેમિકાના પતિ હસમુખને પણ પતાવી દેવાનો મુકેશનો મનસૂબો હતો.

જો કે, ઘરે હસમુખની માતા તથા સંતાનોની રાડારાડ અને લોકોની ભીડ એકઠી થઈ જતાં મુકેશ તેને મારી નાખવાની ધમકી આપીને ત્યાંથી ભાગી ગયેલો.

હસમુખ હાંફળો ફાંફળો થઈને ઘરે પહોંચ્યો ત્યારે માતા ભાવનાબેન પાંકડસર રહેતી દીકરી કલાવતી જોડે ફોનમાં વાતો કરતા હતા. મુકેશને જોઈને માએ કાંપતા સ્વરે દીકરીને કહેલું કે ‘મુકેશ અમને મારવા આવ્યો છે, તેના હાથમાં બંદૂક છે’ નાસભાગ અને રાડારાડી વચ્ચે માતાના હાથમાં રહેલો ફોન નીચે પડી ગયેલો પરંતુ કૉલ કટ થયો નહોતો. કલાવતીએ મુકેશને એવું બોલતાં સાંભળેલો કે ‘હરિદાસને આજે ગોળી મારીને પતાવી દીધો છે’ અજુગતું થઈ ગયું હોવાનું પામી જઈને કલાવતી તરત પતિ જોડે વોંધ દોડી આવેલી.

હત્યા કર્યા બાદ મુકેશ ગામના સીમાડાઓમાં લપાઈ ગયેલો. ચૂંટણી ટાણે જાહેરમાં ગોળી મારીને હત્યાનો બનાવ બનતાં ચોંકી ઉઠેલાં રેન્જ આઈજી ચિરાગ કોરડીયા અને એસપી સાગર બાગમારના સૂચના અને નિર્દેશ મુજબ નાયબ પોલીસ અધીક્ષક સાગર સુંબડાએ ભચાઉના પીઆઈ ડી.ડી. ઝાલા સાથે લોકલ ક્રાઈમ બ્રાન્ચની જુદી જુદી ટીમ બનાવીને આરોપીને ઝડપી પાડવા કામે લગાડી હતી. પોલીસે ગણતરીના કલાકોમાં મુકેશની ધરપકડ કરી લીધી છે. મુકેશે તમંચો અને તલવાર છૂપાવી દીધા છે. તેને શોધવા આવતીકાલે પોલીસ સઘન પ્રયાસ હાથ ધરશે.