જીતેન્દ્રને ધંધામાં નાણાંની જરૂર પડતાં તેણે મિત્રતાના નાતે અમિષ પાસેથી હાથઉછીના પાંચ લાખ રોકડાં રૂપિયા મેળવેલાં અને ત્રણ માસમાં ચૂક્તે કરી દેવાનો વાયદો કરેલો. ત્રણ મહિના બાદ નાણાં પરત આપવાના બદલે ફરી તેણે વધુ પાંચ લાખ રૂપિયા એક માસના વાયદે ફરિયાદી પાસેથી ઉછીના મેળવ્યાં હતાં.

આ કેસમાં ફરિયાદીએ કૉર્ટમાં કેસ દાખલ કર્યા બાદ જીતેન્દ્ર ગાંધી હાજર રહેતો ના હોઈ તેની વિરુધ્ધ કૉર્ટે પકડ વૉરન્ટ ઈસ્યૂ કર્યું હતું. ત્યારબાદ પણ તેણે કૉર્ટ કાર્યવાહીમાં સહકાર આપ્યો નહોતો. ભચાઉના અધિક ચીફ જ્યુ. મેજિસ્ટ્રેટ ડી.એસ. ડાભીએ જીતેન્દ્રને દોષી ઠેરવી એક વર્ષની કેદ સાથે દસ લાખના દંડની સજા ફટકારી છે.

આરોપી હાજર ના હોઈ કૉર્ટે તેની વિરુધ્ધ બિન જામીનપાત્ર વૉરન્ટ ઈસ્યૂ કરવા હુકમ કર્યો છે. આ કેસમાં એડવોકેટ એન.એમ. મિયોત્રા, બી.એમ. સીયારીયા અને એલ.એ. કેલાએ ફરિયાદ પક્ષ તરફે પેરવી કરી હતી.