ગોડાઉનમાંથી પોલીસે સરકારી યુરિયા ભરેલી પીળા રંગની ૨૭ બોરી કબજે કરેલી અને સ્થળ પરથી અન્ય ૪૧ નંગ ખાલી થેલી જપ્ત કરેલી. સરકારી યુરિયાની થેલીઓમાંથી યુરિયા કઢાઈને સફેદ રંગની બોરીઓમાં ભરાયેલું. આ બોરીઓ પર ઔદ્યોગિક વપરાશ માટેનુ ટેકનિકલ ગ્રેડ યુરિયા લખેલું હતું. પોલીસે યુરિયા ભરેલી ૪૧ સફેદ બોરીઓ પણ કબજે કરેલી.

અહેવાલના આધારે પોલીસે જે-તે સમયે ગોડાઉનમાંથી પકડાયેલાં રાજેન્દ્રસિંહ રઘુભા વાઘેલા (ઉ.વ. ૩૮, રહે. નવચેતન અંધજન મંડળ પાછળ, ભચાઉ), હર્ષદ કમલેશભાઈ પંડ્યા (ઉ.વ. ૨૪, રહે. ખેતરપાળનગર, અંજાર) અને શિવમ ધનજીભાઈ બાલાસરા (ઉ.વ. ૩૦, માધવવિલા, ગુલાબ મિલ રોડ, અંજાર) વિરુધ્ધ આવશ્યક ચીજવસ્તુ ધારા હેઠળ સરકાર તરફે ફરિયાદ દાખલ કરી છે.