રાજેશે ‘ક્યાં જાય છે?’ પૂછીને આધોઈ માર્કેટમાં ઉતારી દેવાનું કહી બાઈક પર બેસી જવા જણાવેલું. પીડિતા આનાકાની કરતી હતી ત્યાં અન્ય બાઈક પર રાજેશનો ભાઈ મહેશ આવ્યો હતો. મહેશની બાઈક પર મનજી દેવા કોલી અને વીરુ કોલી નામના સુવઈના અન્ય બે યુવકો પણ સવાર હતા.

પાછળ મનજી અને વીરુ બાઈક લઈને આવેલાં. રાત્રિના સમયે રાજેશે પીડિતાની મરજી વિરુધ્ધ દુષ્કર્મ આચરેલું. જો કે, પીડિતાની બૂમાબૂમના પગલે આજુબાજુની વાડીમાં કામ કરતાં લોકો એકઠાં થઈ ગયેલાં અને તેમણે રાજેશના મામાને ફોન કરી જાણ કરેલી. રાજેશના મામા વાડી પર આવેલા અને પીડિતાને લઈને પરત તેના પરિવારજનોને સુપ્રત કરી દીધી હતી.

જેલમાં રહેલા મહેશનો ૨૦૧ દિવસ બાદ અને રાજેશનો ૬૩૫ દિવસ બાદ જામીન પર છૂટકારો થયો હતો. આ કેસમાં પીડિત બાળાએ કેસને સમર્થન આપતી આપેલી જુબાનીના આધારે આજે ખાસ પોક્સો કૉર્ટના જજ અંદલીપ તિવારીએ પોક્સો એક્ટની કલમ ચાર હેઠળ બેઉ ભાઈને દસ દસ વર્ષની સખ્ત કેદ સાથે પાંચ પાંચ હજાર રૂપિયાનો દંડ ફટકાર્યો છે.

કૉર્ટે વિક્ટીમ કોમ્પેન્સેસન સ્કિમ હેઠળ પીડિતાને પાંચ લાખનું વળતર ચૂકવવા હુકમ કર્યો છે.

કેસની તપાસ તત્કાલિન પીઆઈ બી.એસ. સુથાર અને નાયબ પોલીસ અધીક્ષક કે.જી. ઝાલાએ કરેલી. નાયબ પોલીસ અધીક્ષક એસ.એમ. સૈયદે ચાર્જશીટ કરેલી. સરકાર તરફે એડવોકેટ ધર્મેન્દ્રસિંહ એસ. જાડેજાએ કેસની પેરવી કરી હતી.