પિતા વાડીએ ગયાં હોવાનો જવાબ સાંભળીને પ્રવિણે ઘરમાં ઘૂસીને બાળા જોડે શારીરિક અડપલાં કરી જમીન પર પાડી દઈને કપડાં કાઢવા પ્રયાસ કરેલો. બાળાએ બચવા માટે બૂમાબૂમ કરતા મોઢું દબાવી દીધેલું.

મોડી રાત્રે ૧૧ વાગ્યે પિતા વાડીએથી ઘરે પરત ફર્યાં ત્યારે દીકરીએ ચોધાર આંસુએ રડતાં રડતાં આખી ઘટના જણાવેલી. પિતા દીકરીને લઈને ગાગોદર પોલીસ મથકે પહોંચેલાં અને પોલીસે પ્રવિણ વિરુધ્ધ પોક્સો સહિતની ધારાઓ તળે ગુનો દાખલ કરીને તેની ધરપકડ કરેલી.

આ ગુનામાં સરકારી વકીલ ડી.એસ. જાડેજાની દલીલો, ઉપલબ્ધ પુરાવા અને સાક્ષીઓની જુબાનીને ધ્યાને લઈને ભચાઉની પોક્સો કૉર્ટના વિશેષ જજ અંદલીપ તિવારીએ પ્રવિણને દોષી ઠેરવી પોક્સો એક્ટની કલમ ૮ હેઠળ ચાર વર્ષની સખ્ત કેદ સાથે પાંચ હજાર રૂપિયાનો દંડ ફટકાર્યો છે. ઈપીકો કલમ ૫૦૬ (૨) હેઠળ ત્રણ વર્ષની સાદી કેદ તથા ઈપીકો કલમ ૪૪૭ હેઠળ પણ દોષી ઠેરવી સાદી કેદ દંડની સજા ફટકારી છે. ગુનાની તપાસ ગાગોદરના તત્કાલિન પીઆઈ વી.કે. ગઢવી અને એમ.એન. દવેએ કરી હતી.