છેલ્લાં એક અઠવાડિયાથી આરોપી અરવિંદભાઈ ઊર્ફે સાધુરામ દ્વારકાદાસ રામાનંદી (રહે. ફૂલવાડી, ભચાઉ) માસૂમ બાળકીને શાળાએ લેવા મૂકવા જતી વખતે રસ્તામાં વિકૃત શારીરિક અડપલાં કરીને તેની વાસના સંતોષતો હતો. દીકરીએ કાલી ઘેલી ભાષામાં માવતરને ફરિયાદ કરતાં મામલો બહાર આવ્યો હતો. ભચાઉ પોલીસે ભારતીય ન્યાય સંહિતાની કલમ ૬૫ (૨) અને પોક્સો એક્ટની કલમ ૪ તથા ૬ હેઠળ ગુનો દાખલ કરીને આરોપી અરવિંદને ઝડપી પાડ્યો છે. આરોપીની વય અંદાજે ૫૭ વર્ષની છે. પોલીસ ઈન્સ્પેક્ટર એસ.ડી. સિસોદીયાએ તપાસ હાથ ધરી છે.