પ્રારંભે પોલીસે પૂછપરછ કરતાં રમેશ ચોરીનો માલ ક્યાં છૂપાવી રાખ્યો છે તે અંગે કશી વિગત જણાવતો નહોતો.

તે પોલીસને ચીરઈ પાસે આવેલા ઝૂંપડામાં લઈ ગયો હતો. પોલીસને કહેલું કે ફરિયાદી પરસોત્તમભાઈ છાભૈયાએ જે ડબ્બામાં સોનાના ઘરેણાં અને રોકડાં રૂપિયા મૂકીને દાટ્યો હતો તે ડબ્બો ચોરીને ઝૂંપડા પર આવી પોલીસથી બચવા માટે ડબ્બો દાટી દીધો હતો.

દુધઈ પોલીસ ઈન્સ્પેક્ટર આર.આર. વસાવા અને તેમની ટીમે આરોપીને તાત્કાલિક દબોચીને મોટાભાગનો મુદ્દામાલ રીકવર કરવા જહેમત ઉઠાવી હતી. સૂત્રોએ જણાવ્યું કે રમેશે અગાઉ પણ આવા અનેક ગુના આચર્યાં હોવાની આશંકા છે. તેની ક્રાઈમ હિસ્ટ્રી પોલીસ તપાસી રહી છે.

સામાન્યતઃ વિશ્વાસઘાત, ઠગાઈ, ચોરી વગેરે જેવા અનેક ગુનાઓમાં ગુનો પુરવાર થયે કેદની સજા મહત્તમ સાત વર્ષ સુધીની હોઈ, સુપ્રીમ કૉર્ટે આપેલા લેન્ડમાર્ક જજમેન્ટ ‘અર્નેશકુમાર વર્સિસ બિહાર સ્ટેટ’ની ગાઈડલાઈન મુજબ, અદાલતો આરોપીઓને જામીન પર છોડવામાં ઉદાર રહે છે.

કૉર્ટોમાં વર્ષો સુધી ટ્રાયલ ચાલ્યાં કરે છે. ત્યારે, આવા પ્રકારના ગુનાઓમાં પોલીસ કૉર્ટમાં ગુનો પુરવાર થાય ત્યારે ખરો પરંતુ મહત્તમ મુદ્દામાલ રીકવર થાય તેના પર વધુ ફોકસ રાખે છે.