બે માસ અગાઉ ૨૬ ઑગસ્ટના રોજ સાત લોકોની ગેંગ વિરુધ્ધ અંજાર પોલીસ મથકે ગુનો નોંધાયો હતો.

પાવરદાર મહેશ શંકર ચંદ્રાએ પાવરનામાના આધારે આ જમીન ધાણેટીના પચાણ સુરા રબારી નામના શખ્સને વેચી હોવાના દસ્તાવેજ બનાવાયાં હતા.

આ ગુનામાં હિંદુમાંથી મુસ્લિમ ધર્મ અંગીકાર કરનારા અંજારનો દિનમામદ કાસમ રાયમા ઊર્ફે પંકજ હિતેનભાઈ વાણિયા મુખ્ય સૂત્રધાર હોવાનું સપાટી પર આવ્યું હતું. પોલીસે ધાણેટીના ભુવા પચાણ રબારીને પણ અંદર કર્યો હતો. તો, શામજીભાઈ બનીને પાવર ઑફ એટર્ની લખી આપનાર મુંબઈના ૬૯ વર્ષિય શંકર કેશવજી ચંદ્રા, તેના દીકરા મહેશની અને બોગસ દસ્તાવેજમાં સાક્ષી તરીકે સહી કરનાર સુલતાન ખલીફાની પણ પોલીસે ધરપકડ કરેલી.

જો કે, આ પીએસઆઈ હજુ સુધી આરોપી તરીકે ચોપડે ચઢ્યો નથી. એ જ રીતે, આ ગુનામાં સાક્ષી તરીકે સહી કરનારા અઝીઝ સૈયદ અને રાજુ અમરશી બારોટ નામના બે પ્યાદા પણ હજુ પોલીસને હાથ લાગ્યાં નથી. પીઆઈ એ.આર. ગોહિલ અને તેમની ટીમ નાસતાં ફરતાં આરોપીઓને પકડવા માટે સતત પ્રયત્નશીલ છે.