ટ્રેલરના ચાલક ફિરોજ કાઠાત (રહે. અજમેર)એ પોલીસને રીષી ઈન્ટરનેશનલ લોજિસ્ટીક્સ ટ્રાન્સપોર્ટનો ગેટ પાસ, સીલ પેકીંગની પહોંચ તથા શિવાન્યા એન્ટરપ્રાઈઝ ટ્રાન્સપોર્ટના ચલણની પહોંચ, બિલ્ટી વગેરે કાગળિયા બતાડેલાં. આ ટ્રેલર અલ્ટ્રાટેક સિમેન્ટના એકમમાં જતુ હતું.

પોલીસે મોડી રાત સુધી ડ્રાઈવરની પૂછપરછ અને ગહન તપાસ કરતાં તેણે ઘટસ્ફોટ કર્યો હતો કે કંડલાથી તે ટ્રેલરમાં કોલસો ભરીને નીકળ્યો ત્યારબાદ શેઠ ભુરા રબારીનો ફોન આવેલો અને ટ્રેલર વાડા પર લઈ આવવા જણાવેલું. ગાંધીધામના એક વાડામાં આ ટ્રેલરમાંથી સીલને નુકસાન ના થાય તે રીતે ૧૨ ટન કોલસો કાઢી લેવાયેલો અને તેના બદલે હલકી ગુણવત્તાનો કોલસો મિક્સ કરી દેવાયો હતો.

૧.૩૨ લાખની મૂલ્યના ૧૨ કોલસાની ચોરી કરી, તેના બદલે મિક્સીંગ કરીને કંપની સાથે વિશ્વાસઘાતનો પ્રયાસ કરવાની કલમો હેઠળ ફરિયાદ નોંધાવી છે. પોલીસે ૩૫.૬૦૦ ટન કોલસો ભરેલું ટ્રેલર મળી ૧૭.૫૩ લાખનો મુદ્દામાલ કબજે કર્યો છે.