જે પૈકી સર્વે નંબર ૧૭૫ની ૩ હેક્ટર જમીન ૩ વર્ષ પૂર્વે ગામના ઈસ્માઈલ મીરાશા નોડેને વાવવા આપી હતી. જો કે, ઈસ્માઈલ અને તેના પરિવારે આ જમીન પચાવી પાડી છે.

આ મામલે અબડાસા પ્રાંત અધિકારીની કૉર્ટમાં કેસ કરેલો પરંતુ વારંવાર નોટીસો છતાં આરોપીઓ એકેય વખત હાજર થયાં નહોતાં. આ મામલે લેન્ડગ્રેબિંગ એક્ટ તળે કરેલી અરજીની સુનાવણી કર્યાં બાદ કલેક્ટરની સમિતિએ ફોજદારી ફરિયાદ નોંધાવવા હુકમ કરતાં ગેમરસિંહે આજે ઈસ્માઈલ મીરાશા નોડે, અમીનાબાઈ ઈસ્માઈલ નોડે, જુસબ ઈસ્માઈલ નોડે, રોશનબાઈ જુસબ નોડે, સલીમ ઈસ્માઈલ નોડે, શરીફાબાઈ સલીમ નોડે વિરુધ્ધ નલિયા પોલીસ મથકે ફોજદારી ફરિયાદ નોંધાવી છે.