લાપત્તા દીકરીની ચોમેર શોધખોળ હાથ ધરાતાં મોહસીનની વાડીએ આવેલા કૂવા પાસે લોહી જોવા મળેલું અને કૂવાની અંદર પાણીમાં કપડાં તરતાં જોવા મળેલાં. કૂવો બાવીસથી પચ્ચીસ ફૂટ ઊંડો હોઈ બપોરે અઢી વાગ્યે ભુજ નગરપાલિકા ફાયર બ્રિગેડને જાણ કરાઈ હતી.ફાયર બ્રિગેડના સ્ટાફે દોરડાંની મદદથી મૃતદેહને બહાર કાઢ્યો હતો. 

બનાવ અંગે જાણ થતાં માધાપર પોલીસ ઘટનાસ્થળ દોડી ગઈ હતી. પોલીસે જણાવ્યું કે પતિ મોહસીને ધારદાર હથિયારથી ગુલસમનું ગળું કાપી નાખીને લાશને કૂવામાં ફેંકી દીધી હોવાનું બહાર આવ્યું છે. સંબંધે ગુલસમ મોહસીનની સગાં કાકાની દીકરી થતી હતી.

મોહસીનને પોલીસે રાઉન્ડ અપ કરી લીધો છે. બનાવ અંગે પીઆઈ એ.કે. જાડેજાએ વિધિવત્ ફરિયાદ નોંધવા તજવીજ હાથ ધરી છે. નખત્રાણાના મુરુમાં મિત્રએ મિત્રની ઘાતકી હત્યા કર્યાં બાદ અંગોને કાપી કૂવામાં નાખી દીધેલાં અને ભુજમાં પતિએ ધારિયું ઝીંકી પત્નીની હત્યા કર્યા બાદ ઘાતકી હત્યાનો સળંગ ત્રીજો બનાવ બનતાં પોલીસ ખાતામાં દોડધામ મચી ગઈ છે.