સ્થાનિક આગેવાન અલી લાખા કેરએ વાયોર પોલીસ પર આરોપ કરતાં જણાવ્યું હતું કે અહીં આવેલી વિવિધ સિમેન્ટ કંપનીઓમાં કામ કરતાં પરપ્રાંતીય મજૂરો આ દેશી દારૂ પી, છાકટાં બનીને સ્થાનિક ગ્રામજનો પર ઉત્પાત મચાવે છે.

વાયોર પોલીસને વારંવાર રજૂઆત છતાં પોલીસે કોઈ એક્શન ના લેતાં નછૂટકે લોકોએ જનતા રેઈડ કરીને દારૂની બદી પર નિયંત્રણ લાવવા નક્કી કર્યું છે.

બેઉ જણ રાજસ્થાનના છે, નખત્રાણાથી દરરોજ આ રીતે બોલેરોમાં તૈયાર દેશી દારૂ લઈ આવીને સ્થાનિક અડ્ડાઓ પર સપ્લાય કરે છે. આ ઘટનાએ વધુ એકવાર પશ્ચિમ કચ્છમાં પ્રવર્તતી દેશી દારૂની બદી અને તેના પર રહેલી પોલીસની ‘મીઠી નજર’નો પર્દાફાશ કર્યો છે.