પ્રવિણે ભુજના સ્ટેશન રોડ પર પ્રિન્સ હોટેલ પાસે આવેલા એક જીમમાં ટ્રેઈનર તરીકે કામ કરતાં તેના મિત્ર વરુણ ઊર્ફે હિરો કાનજી ગોરડિયાની બ્લેક વર્ના કારમાં જઈને વાયર ચોરીને અંજામ આપ્યો હતો.

પ્રવિણ બેએક વર્ષ અગાઉ જખૌ પોલીસ સ્ટેશનમાં એકાઉન્ટ રાઈટર હેડ તરીકે નોકરી કરતો હોઈ પોલીસ દ્વારા ગુનાના કામે જપ્ત થતાં મુદ્દામાલની તમામ વિગતોથી વાકેફ હતો.

પ્રવિણ ભુજ એ ડિવિઝન પોલીસ સ્ટેશનમાં છેલ્લાં બેએક વર્ષથી એકાઉન્ટ રાઈટર હેડ તરીકે નોકરી કરે છે. સામાન્ય રીતે પોલીસ મથકોમાં મુદ્દામાલ રુમ તાળાબંધ રહેતો હોય છે અને ત્યાં જવા માટે પહેલાં પીએસઓ પાસેથી પસાર થઈ, તેની મંજૂરી મેળવવાની રહે છે. જો કે, જખૌ સહિતના કેટલાંક પોલીસ સ્ટેશનનો મુદ્દામાલ રૂમ પોલીસ સ્ટેશનની પછવાડે આવેલો છે. પ્રવિણ આ છીંડાથી બખૂબી વાકેફ હતો.