દયાલે તેમને ઘર પાસે ગાળો ના બોલવા ઠપકો આપતાં બેઉ જણે ઉશ્કેરાઈને દયાલના પેટ અને થાપામાં છરીના ઘા ઝીંકી દીધા હતા. ગંભીર ઈજાના પગલે દયાલનું મૃત્યુ નીપજ્યું છે. ઘટના અંગે જાણ થતાં ભચાઉ વિભાગના નાયબ પોલીસ અધીક્ષક સાગર સાંબડાના માર્ગદર્શન હેઠળ રાપર પીઆઈ જે.બી. બુંબડીયા પોલીસ કાફલા સાથે સ્થળ પર દોડી ગયાં હતા. પોલીસે હત્યાની કલમો તળે ગુનો નોંધી બેઉ હત્યારાને ઝડપી પાડવા ચક્રો ગતિમાન કર્યાં છે. નજીવી બાબતે હત્યાની વધુ એક ઘટનાએ રાપરમાં ભારે ચકચાર સર્જી દીધી છે.