click here to go to advertiser's link
Visitors :  
21-Feb-2024, Wednesday
Home -> Mundra -> Two killed as two cars collide head on near Vadala Mundra
Saturday, 10-Feb-2024 - Mundra 17710 views
વડાલા નજીક અલ્ટો અને ક્રેટા ટકરાતાં અલ્ટોમાં સવાર બે મિત્રોના ઘટનાસ્થળે મોત
કચ્છખબરડૉટકોમ, મુંદરાઃ મુંદરાના વડાલા નજીક પૂરઝડપે જતી બે કાર સામસામી ટકરાતાં એક કારમાં સવાર બે મિત્રના ગંભીર ઈજાથી ઘટનાસ્થળે મૃત્યુ નીપજતાં અરેરાટી છવાઈ છે. મુંદરાના વડાલા નજીક પાંજરાપોળના વળાંક પાસે ગત રાત્રે નવના અરસામાં બનાવ બન્યો હતો. મૃતક રવિગીરી ધીરુગીરી ગોસ્વામી (૨૯, રહે. આદિપુર મૂળ રહે. બોટાદ) અને તેનો મિત્ર મયૂર ચંદુભાઈ સોલંકી (૨૬, રહે. કિડાણા, ગાંધીધામ) અલ્ટો કારમાં મુંદરાથી આદિપુર પરત આવતા હતા ત્યારે સામેથી આવતી GJ-12 EE-2931 નંબરની ક્રેટા કાર સાથે ટક્કર થઈ હતી.

ટક્કર એટલી ભયંકર હતી કે બંને કારનો બુકડો વળી ગયો હતો અને અલ્ટોમાં સવાર રવિ અને મયૂરના માથા તથા અન્ય અંગોમાં ગંભીર ઈજાથી ઘટનાસ્થળે મૃત્યુ નીપજ્યાં હતાં. ક્રેટા કારનો ચાલક પણ ઘાયલ થયો હતો. મૃતક રવિ ગાંધીધામ નગરપાલિકામાં સુપરવાઈઝર તરીકે કામ કરતો હતો અને છેલ્લાં બે-ત્રણ દિવસથી મુંદરા બારોઈ નગરપાલિકામાં કામ રાખ્યું હોઈ આવ-જા કરતો હતો. મુંદરા મરીન પોલીસે ક્રેટાચાલક સામે બેદરકારીપૂર્વક પૂરઝડપે કાર હંકારી જીવલેણ અકસ્માત સર્જી બે લોકોના મૃત્યુ નીપજાવવા બદલ ગુનો નોંધી પીએસઆઈ એન.ડી. જાડેજાએ તપાસ હાથ ધરી છે.

Share it on
   

Recent News  
રૂદ્રમાતા બ્રિજઃ તારીખ પે તારીખ.. તારીખ પે તારીખ.. આ શું માંડીને બેઠાં છો?
 
ગાંધીધામ ઉદયનગર પોસ્ટ ઑફિસના પોસ્ટ માસ્ટરે ૨૦.૧૨ લાખની ઉચાપત કરી
 
પટેલ ચોવીસીમાં ખળભળાટઃ નૈરોબીમાં મિત્રની હત્યા કરી લાશ તેજાબમાં ઓગાળી દીધી