શુક્રવારે સાંજે સાડા સાતના અરસામાં ભુજના ટ્રાફિકથી ધમધમતાં હોસ્પિટલ રોડ પર રાજકોટ નાગરિક સહકારી બેન્ક પાસે બનાવ બન્યો હતો. આરોપી યોગેશ ચૌહાણ (રહે. સાગરસીટી સોસાયટી, મુંદરા રોડ, ભુજ) અને તેના બે અજાણ્યા સાગરીતોએ શક્તિસિંહ પરમાર જોડે માથાકૂટ કરી મારકૂટ શરૂ કરેલી. યોગેશ અને શક્તિસિંહ બેઉ સાઢુ ભાઈ છે.

ઘટના અંગે હોસ્પિટલ ચોકીમાં થયેલી નોંધના પગલે આજે ભુજ બી ડિવિઝન પોલીસ મથકે ધર્મેશના ભાઈ રાજેશે આજે બપોરે યોગેશ ચૌહાણ અને અન્ય બે અજાણ્યા સાગરીતો વિરુધ્ધ મારામારી, છરીથી હુમલો કરી ઈજા પહોંચાડવા સબબ ફરિયાદ નોંધાવી હતી.

ઘાયલ ધર્મેશને ભુજ જી.કે. જનરલ હોસ્પિટલમાં સારવાર માટે ખસેડાયો હતો. તબિયત કથળતાં અમદાવાદ લઈ જવાયો હતો. જ્યાં તેનું મૃત્યુ નીપજ્યું છે. પોલીસ સૂત્રોએ જણાવ્યું કે ધર્મેશને છરી વાગતાં થયેલી ઈજા તેનું મૃત્યુ નીપજાવે તેવી ગંભીર નહોતી તેમ તબીબોએ જણાવ્યું છે.

જેના પગલે પોલીસે હાલ આ બનાવમાં મર્ડરનો ગુનો દાખલ કર્યો નથી. વિસ્તૃત પોસ્ટમોર્ટમ રીપોર્ટ આવ્યા બાદ જ આગળની કાયદેસર કાર્યવાહી હાથ ધરાશે. બી ડિવિઝન પીઆઈ ડી.ડી. શિમ્પીના માર્ગદર્શનમાં પોલીસે ઝીણવટભરી તપાસ હાથ ધરી છે.