આમ, પોણો કલાકના અંતરમાં એક જ કેન્દ્રબિંદુ આસપાસ ત્રણથી ચારની તીવ્રતાના ત્રણ શ્રેણીબધ્ધ કંપન નોંધાયાં હતા. આ પૂર્વે, મધરાત્રે બે વાગ્યે દુધઈ નજીક 1 અને રાત્રે 4.22 મિનિટે ભચાઉ નજીક 1.5ની તીવ્રતાના હળવા આંચકા નોંધાયા હતા. ઉલ્લેખનીય છે કે, વર્તમાન વર્ષે કચ્છમાં 4 કે તેથી ઉપરની તીવ્રતાના અત્યારસુધીમાં કુલ 6 આંચકા નોંધાયાં છે. છમાંથી પાંચ કંપન વાગડમાં નોંધાયેલાં છે. રાપરમાં અગાઉ 16 જૂન અને 5 માર્ચે આ જ કેન્દ્રબિંદુ આસપાસ 4ની તીવ્રતાના બે કંપન નોંધાયા હતા.