પ્રાથમિક પૂછપરછમાં આરોપીએ જણાવ્યું કે ત્રણ ચાર માસ અગાઉ ફોનથી એક હિન્દીભાષી શખ્સ સાથે તેની ઓળખાણ થયેલી.

પોલીસે ઉમેર્યું કે આરોપી નખત્રાણામાં દાબેલીનો ધંધો કરે છે. અજાણ્યા શખ્સ પાસેથી અગાઉ ત્રણથી ચાર વખત માલ મગાવેલો છે. ગુનાની તપાસ દયાપરના પીએસઆઈ વી.વી. ભોલાએ હાથ ધરી આરોપીને બે દિવસના રીમાન્ડ પર લીધો છે.  પૂછપરછમાં આરોપીએ પોતે બંધાણી હોઈ અંગત વપરાશ માટે ડોડા મગાવતો હોવાનું કબૂલ્યું છે. પોલીસે ફોન નંબરના આધારે માલ મોકલનાર શખ્સને પણ ઝડપી લેવા તપાસ હાથ ધરી છે. દરોડાની કામગીરીમાં SOG પીઆઈ કે.એમ. ગઢવી, પીએસઆઈ ડી.બી. વાઘેલા, એએસઆઈ જોરાવરસિંહ જાડેજા અને માણેકભાઈ ગઢવી, હેડ કોન્સ્ટેબલ રજાક સોતા, કમલેશ ડાભી વગેરે જોડાયાં હતાં.