લોકસભા ચૂંટણી સમયે કૌશલ ઉપરી અધિકારીની મંજૂરી વગર મનસ્વીપણે ડ્યુટીમાં સતત ગેરહાજર રહ્યો છે. આમ તો બદલી થયાં બાદ છેલ્લાં બે વર્ષમાં તે અવારનવાર મનફાવે તેમ લાંબા સમય સુધી ગેરહાજર રહ્યો છે, લોકસભા ચૂંટણી સમયે તેની ગેરહાજરીએ પીઆઈને ગુનો નોંધવા ફરજ પાડી છે.

૧૩-૦૭-૨૦૧૯ની રાત્રિના એલઆરડી જવાન જીગર સોલંકી સહિત બે પોલીસ કર્મીએ નિશિથ ગજ્જર નામના એક કારચાલકને ફૂલ સ્પીડમાં ગાડી કેમ ચલાવે છે કેમ કહીને અટકાવ્યો હતો.

દસ દિવસના વિલંબ બાદ નિશિથે કૌશલ ભટ્ટ સહિત ત્રણ સામે ફરિયાદ નોંધાવેલી. ત્યારબાદ જીગર સોલંકી અને કૌશલ ભટ્ટ સ્યુસાઈડ નોટ લખીને અંડરગ્રાઉન્ડ થઈ ગયેલાં.નોટમાં તેમને ખોટાં કેસમાં સંડોવી દેવાયાં હોવાના તથા પીઆઈ અને એસીપી ત્રાસ આપતાં હોઈ કંટાળીને મરવા મજબૂર બન્યાં હોવાનું લખ્યું હતું. આ નોટના આધારે બેઉના પરિવારજનોએ સોલા પોલીસ સ્ટેશન અને ઘાટલોડિયા પોલીસ સ્ટેશનમાં ફરિયાદ નોંધાવવા પ્રયાસ કરેલો. પોલીસ ગૂમનોંધ લખી ગહન તપાસ કરેલી. બેઉ જણે પોલીસ અધિકારીઓને દબાણમાં લાવવા એક જ નોટના પાનામાંથી બે અલગ અલગ સ્યુસાઈડ નોટ લખી હોવાનું અને એક જ વ્યક્તિનું લખાણ હોવાનો વળતો આરોપ ખુલાસો થયેલો. ત્યારબાદ કૌશલે તેના વકીલ સાથે પોલીસ સમક્ષ આત્મસમર્પણ કરેલું.