ભુજના જેષ્ઠાનગરમાં રહેતો ૩૮ વર્ષિય રનવીર રાઠોડ (રહે. મૂળ ફરિદાબાદ, ઉત્તર પ્રદેશ) છેલ્લાં ૨૦ વર્ષથી ચના ચટપટી વેચીને પેટિયું રળે છે. ગઈકાલે સવારે તે મોટર સાયકલ પર ચના ચટપટીની પેટી રાખીને ચોવીસીના ગામડાઓમાં ફેરી કરવા નીકળેલો. રાત્રે સાડા આઠના અરસામાં તે ભુજ મુંદરા રોડ પરથી પરત ભુજ આવી રહ્યો હતો. 

ધંધો થવાની આશામાં રનવીરે હા પાડતાં ત્રણે જણે તેને એક્ટિવા પાછળ પાછળ આવવા જણાવીને મિરજાપર લઈ ગયેલા. મિરજાપરથી મોચીરાઈ રોડ થઈ દત્તેશ્વર મંદિરની પાસે  લઈ આવેલાં. નિર્જન વિસ્તારમાં પહોંચી આવેલા રનવીરને શંકા જતા તેણે આગળ તેમની સાથે જવાનો ઈન્કાર કરેલો.

મારકૂટના લીધે જમીન પર પડી ગયેલો રનવીર જેમ તેમ કરીને જીવ બચાવીને અંધારામાં લૂંટારાઓથી બચીને નાસ્યો હતો. થોડેક આગળ એક વાડીમાં વૃધ્ધ યુગલને આપવીતી વર્ણવી તેમનો મોબાઈલ ફોન લઈને ભુજમાં રહેતા ભાઈને ફોન કરી બનાવ અંગે જાણ કરેલી. તેનો ભાઈ સ્થળ પર દોડી આવીને તેને જી.કે. જનરલ હોસ્પિટલમાં સારવાર માટે લઈ આવ્યો હતો. મારકૂટ સમયે આરોપીઓ અંદરોઅંદર એકમેકના નામ બોલ્યાં હોઈ પોલીસે નરેશ, કપિલ અને હાર્દિક નામની ત્રિપુટી સામે ગુનો નોંધી તપાસ હાથ ધરી છે.