શનિવારે સાંજે પાંચ વાગ્યે વીરબાળાબેન ઘરના મેઈન ડોરને લૉક કરીને હોસ્પિટલે ગયેલાં અને રાત્રે હોસ્પિટલમાં રોકાઈ ગયેલાં. આજે સવારે નવ વાગ્યે ઘરે પાછાં ફર્યાં ત્યારે તાળાં તૂટેલાં હતા અને ઘરની અંદરના ત્રણ બેડરૂમના કબાટના દરવાજા ખૂલ્લાં હતાં. બધો સરસામાન વેરવિખેર પડ્યો હતો.

જો કે, પોલીસે ૧ તોલા સોનાના ભાવનું મૂલ્ય ફક્ત ૩૦ હજાર રૂપિયા આંકીને દાગીનાની કિંમત માંડ ૯ લાખ રૂપિયા આંકી છે! માંડવીમાં નિવૃત્ત દંપતીના બંધ ઘરમાં થયેલી ૨.૨૬ લાખની ઘરફોડ ચોરીના બનાવના સતત બીજા દિવસે બહાર આવેલા ચોરીના આ બનાવથી જાણે તસ્કરોએ પોલીસના અસ્તિત્વ સામે પડકાર ફેંક્યો છે.