હપ્તાખાઉ બની ગયેલી ટ્રાફિક પોલીસના પાપે પશ્ચિમ કચ્છમાં બેફામ ઝડપે દોડતાં ભારેખમ વાહનો કે ઓવરલોડ વાહનો સામે કોઈ એક્શન લેવાતાં નથી. રોજ ક્યાંક ને ક્યાંક કોઈકનું મોત નીપજી રહ્યું છે છતાં ઉચ્ચ પોલીસ અધિકારીઓ વડોદરાના ભેરુ માટે ‘કમાવી’ આપતાં વહીવટદારની બદલીનો થપ્પો થપ્પો રમી, ધુતરાષ્ટ્ર બની લોકોના મોત નિહાળી રહ્યાં છે. કમકમાટીભરી ઘટનાની ક્લિપ સીસીટીવીમાં કેદ થઈ ગઈ હતી. માધાપર પોલીસ સ્ટેશન સામે આવેલા આ સર્કલ પર વહેલી સવારથી મોડી રાત સુધી ટ્રાફિક ડેન્સીટી ભારે રહે છે છતાં ભાગ્યે જ કોઈ ટ્રાફિક પોલીસ કર્મી હાજર જોવા મળે છે.