ગત નવેમ્બર માસના અંતિમ સપ્તાહમાં મુંદરામાં સ્ટેટ મોનિટરીંગ સેલની બે વિવિધ ટીમે બે દિવસ સુધી મેગા ઓપરેશન હાથ ધરીને હરિયાણાથી રેલ માર્ગે આવેલા ત્રણ કરોડનો દારૂ ભરેલાં બે કન્ટેઈનર જપ્ત કર્યાં હતા. આ પ્રકરણમાં દોઢ મહિના બાદ આ ત્રણે અધિકારી કર્મચારી પર એક્શન લેવાયાં હોવાનું ચર્ચાઈ રહ્યું છે.

સામાન્ય રીતે, સ્ટેટ લેવલની એજન્સી દ્વારા દેશી વિદેશી દારૂનો ક્વૉલિટી કેસ કરવામાં આવે તો સંબંધિત પોલીસ મથક અને લોકલ ક્રાઈમ બ્રાન્ચના જવાબદારોના પૂછાણાં લઈ બેદરકારી દાખવવા સબબ કડક એક્શન લેવાતાં હોય છે. ત્યારે, આવા પ્રકરણમાં ખુદ ડીજીપીને આદેશ કરવા પડે તે બાબત કેસની ગંભીરતા દર્શાવી રહી છે.

આ ઘટનાક્રમ વચ્ચે આજે પશ્ચિમ કચ્છ એસપીએ જિલ્લામાં મોટાપાયે ફેરબદલ કરી છે. પશ્ચિમ કચ્છના ૧૨ પોલીસ ઈન્સ્પેક્ટરની આંતરિક ફેરબદલ કરાઈ છે જે પૈકી લીવ રીઝર્વમાં રહેલા ૩ પીઆઈને પોલીસ મથકોમાં નિમણૂક મળી છે. એ જ રીતે, ૧૯ પોલીસ સબ ઈન્સ્પેક્ટરની આંતરિક ફેરબદલ કરાઈ છે જે પૈકી લીવ રીઝર્વમાં રહેલા ૮ પીએસઆઈને ફિલ્ડમાં મૂકાયાં છે. નોંધનીય છે કે લાંબા સમયથી લોકલ ક્રાઈમ બ્રાન્ચનો વહીવટ ઈન્ચાર્જ પીઆઈના ભરોસે ગબડાવાતો હતો ત્યાં હવે નિયમિત પોલીસ ઈન્સ્પેક્ટરનું પોસ્ટીંગ કરાયું છે. એસઓજી પીઆઈની માનકૂવામાં બદલી કરાઈ છે.  

ભુજ બી ડિવિઝનના પીઆઈ એસ.એમ. રાણાની મુંદરા, પ્રાગપર પોલીસ સ્ટેશનના પીઆઈ ડી.ડી. શિમ્પીની ભુજ બી ડિવિઝન,  ખાવડાના પીઆઈ વી.બી. પટેલની દયાપર, નખત્રાણાના પીઆઈ એ.એમ. મકવાણાની એલસીબી, દયાપરના પીઆઈ એસ.એન. ચુડાસમાની પ્રાગપર, એસઓજી પીઆઈ કે.એમ. ગઢવીની માનકૂવા, જિલ્લા ટ્રાફિક પીઆઈ જે.ડી. સરવૈયાની નખત્રાણા, લીવ રીઝર્વમાં રહેલા પીઆઈ વી.વી. ભોલાની માંડવી મરીન, લીવ રીઝર્વમાં રહેલા પીઆઈ એ.ડી. પરમાર અને પી.સી. સીંગરખીયાની એસઓજી, કોઠારાના પીઆઈ એચ.એસ. ત્રિવેદીની મુંદરા મરીન અને મુંદરા મરીનના પીઆઈ પી.કે. રાડાની કોઠારા પોલીસ મથકે બદલી કરાઈ છે.

માધાપરના પીએસઆઈ પી.એમ. રાજપૂત, લીવ રીઝર્વમાં રહેલા પીએસઆઈ એસ.ડી. પાદરીયા, એમ.કે. સુરુ અને એચ.આર. મોરીની ભુજ એ ડિવિઝન, ભુજ એ ડિવિઝનના બી.ડી. શ્રીમાળીની બી ડિવિઝન, બી ડિવિઝનના પીએસઆઈ વાય.એસ. ઝાલાની પધ્ધર, કોઠારાના એન.ડી. જાડેજાની માનકૂવા, લીવ રીઝર્વમાં રહેલા પીએસઆઈ વાય.કે. પરમારની મુંદરા મરીન, લીવ રીઝર્વમાં રહેલા પી.બી. જાડેજાની પ્રાગપર, ભુજ એ ડિવિઝનના પીએસઆઈ જે.જે. રાણાની ગઢશીશા, ભુજ એ ડિવિઝનના પીએસઆઈ એચ.સી. પરમારની નરા, ભુજ એ ડિવિઝનના પીએસઆઈ આર.જે. ગોહિલની જખૌ, લીવ રીઝર્વમાં રહેલા પીએસઆઈ જે.બી. જાદવની એલસીબી, જખૌના ડી.પી. ચુડાસમાની સાયબર સેલ, ભુજ સીટી ટ્રાફિક પીએસઆઈ ટી.બી. રબારીની એસઓજી, ભુજ એ ડિવિઝન પીએસઆઈ ડી.બી. લાખણોત્રાની ભુજ સીટી ટ્રાફિક, લીવ રીઝર્વમાં રહેલા પીએસઆઈ એચ.જી. દેવમણિની ભુજ એમઓબી, લીવ રીઝર્વ પીએસઆઈ એમ.એલ. વાઘેલાની પેરોલ ફર્લો સ્ક્વોડ, ભુજ બી ડિવિઝન પીએસઆઈ એચ.એચ. બ્રહ્મભટ્ટની જેઆઈસી ખાતે બદલી કરવામાં આવી છે.