બાતમીના આધારે એલસીબીએ અલૈયાવાંઢના સીમાડે આવેલા તળાવની પાળ નજીક બાવળોની ઝાડીમાં દરોડો પાડ્યો હતો. પોલીસને જોઈને આરોપી સાલેમામદ જાકબ સમા અને હકીમ કાસમ સમા (રહે. બેઉ નાના દિનારા) સ્થળ પરથી નાસી છૂટ્યાં હતાં.

બેઉ જણે અન્ય એક ગાયની કતલ કરી હતી તેનું માંસ લઈ, સ્થળ પર પરીક્ષણ કરાવી, તે માંસને ત્યાં જ ખાડો ખોદી પોલીસે દટાવી દીધું છે. ગાયની કતલ માટે વપરાયેલાં ઓજારો અને અન્ય સાધનસામગ્રી કબજે કરાઈ છે. બેઉ સામે ખાવડા પોલીસ મથકે વિવિધ કલમો તળે સરકાર તરફે ફરિયાદ નોંધાવાઈ છે.