જાણે નેતાજીની રહેમ નજરમાં રહેવા માટે આ IPS અધિકારીએ પોતાના કાયદેસરના હક્ક અને ફરજને નેવે મૂકી, ચીટરો સામે ગુનો નોંધી રૂપિયા રીકવર કરવાના બદલે LCBના માધ્યમથી કોન્સ્ટેબલ તેમજ ચીટરો પાસેથી ભોગ બનનારને બારોબાર રૂપિયા અપાવીને સંતોષ માની લીધો છે.

સમગ્ર ઘટનાક્રમની ઉચ્ચસ્તરે ગંભીર નોંધ લેવાઈ છે અને આગામી થોડાં દિવસોમાં આ મામલે તટસ્થ અને નક્કર કાર્યવાહી થાય તેવા સંકેતો સાંપડી રહ્યાં છે.

અન્ય પોલીસ મથકોમાં બદલી થવા છતાં મૂળ જગ્યાએ પડ્યા પાથર્યાં રહેલાં ૧૮ પોલીસ કર્મચારીઓને તત્કાળ અસરથી બદલી થયેલી જગ્યાએ હાજર થવા સુંડાએ હુકમ કર્યો છે. ઉલ્લેખનીય છે કે પશ્ચિમ કચ્છમાં બદલી કરાયાં છતાં અનેક વહીવટદારો અને રીઢા પોલીસ કર્મચારીઓ યેનકેન રીતે મૂળ જગ્યાએ પડ્યા પાથર્યાં રહેતા હોવાનો કચ્છખબરે ૨૪ મેના રોજ અહેવાલ પ્રગટ કર્યો હતો.