આ ટેન્શનમાં ને ટેન્શનમાં દેવજીભાઈએ મધરાત્રે ઘરે એસિડ પી લીધું હતું. ગંભીર આંતરિક ઈજાઓથી તેમનું સારવાર દરમિયાન મૃત્યુ નીપજ્યું હતું. બનાવ અંગે દેવજીભાઈના પુત્ર શિવજીએ નખત્રાણા પોલીસ મથકે ૧૩-૧૧-૨૦૨૫ના રોજ માવજી જાદવ અને બે અજાણ્યા કિન્નરો વિરુધ્ધ પઠાણી ઉઘરાણી, વ્યાજખોરી, મરવા મજબૂર કરવા સહિતની કલમો તળે ફરિયાદ નોંધાવી હતી.

માવજીની ધરપકડ અને પૂછપરછમાં દેવજીભાઈને માર મારી ત્રાસ આપી મરવા મજબૂર કરનારાં બે કિન્નર તરીકે ભચાઉના કેતન દિલીપભાઈ ભાટીયા  ઊર્ફે પિન્કી (ઉ.વ. ૨૮) અને ભુજના લોડાઈ ગામનો ઈબ્રાહિમ ઈસ્માઈલ ગગડા ઊર્ફે ઝોયા (ઉ.વ. ૪૫)ના નામ ખૂલેલાં. બેઉ જણ અંડરગ્રાઉન્ડ થઈ ગયાં છે.

ઉલ્લેખનીય છે કે આ કેસમાં ઝડપાયેલો માવજી હાલ જેલમાં છે અને અગાઉ કૉર્ટે તેની જામીન અરજી રીજેક્ટ કરી દીધી હતી. કેસમાં સરકાર તરફે એડવોકેટ ડી.જે. ઠક્કરે દલીલો કરી હતી.