ઘટનાને ગંભીરતાથી લઈ રેન્જ આઈજી ચિરાગ કોરડિયા અને એસપી સાગર બાગમારે આપેલી સૂચનાના પગલે નાયબ પોલીસ અધીક્ષક મુકેશ ચૌધરીએ આરોપી નિખિલને ગમે તે ભોગે દબોચી લેવા પીઆઈ એ.આર. ગોહિલના નેતૃત્વમાં ત્રણ ટીમનું ગઠન કર્યું હતું. દરમિયાન, આરોપી પંજાબના અમૃતસરમાં છૂપાયો હોવાનું લોકેટ થતાં અંજારના એક પીએસઆઈ સહિતની ટીમે અમૃતસર દોડી ગઈ હતી. અહીં વિવિધ હોટેલ ઢાબા અને મકાનોની તપાસ શરૂ કરીને એક હોટેલમાંથી નિખિલને અપહૃત છાત્રા સાથે ઝડપી પાડ્યો હતો.

મેઘપર બોરીચીના ઘનશ્યામનગરમાં રહેતો ૨૯ વર્ષિય નિખિલ સેવકાણી છાત્રાને ભગાડી જતાં ભારે ચકચાર સર્જાઈ હતી. તપાસમાં બહાર આવ્યું હતું કે નિખિલે લવ મેરેજ કરેલાં છે અને જે દિવસે છાત્રાને લઈને ભાગ્યો તેના આગલા દિવસે જ એક દીકરીનો પિતા બન્યો હતો. પોલીસે અપહૃત તરુણી તેના માવતરને સુપ્રત કરી દીધી છે.