પોલીસની તપાસમાં ડેવલોપર પેઢીમાં દોઢેક મહિના અગાઉ પ્યૂન તરીકે કામે લાગેલાં કિશોરની સંડોવણી પાધરી થવા સાથે ફરઝાના ઊર્ફે રમીલા ઊર્ફે મંજુ નામની એક મહિલા, તેના કિશોર વયના પુત્ર અને કિશોર વયના બૉય ફ્રેન્ડ સહિત ૯ જણાની સંડોવણી બહાર આવી હતી.

આરોપીઓએ રોકડ રકમ ભરેલા થેલા અને મિલકતોને લગતાં દસ્તાવેજો ભરેલા થેલાની લૂંટ ચલાવી હતી. પોલીસે રોકડ રકમ ભરેલો થેલો મુંદરાના વાંકી ગામે મામદના બનેવી ઈકબાલ બાયડના ઘરેથી રીકવર કર્યો હતો. જ્યારે આજે ઝડપેલાં મામદ અને ફારુક પાસેથી દસ્તાવેજો ભરેલાં અન્ય ત્રણ થેલાં રીકવર કર્યાં છે. બેઉ જણને કૉર્ટે બે દિવસના રીમાન્ડ પર ધકેલી દીધાં છે.