માહિતી મળતા ધાનેરા પીઆઈ એમ.જે. ચૌધરી અને તેમની ટીમ ચેકપોસ્ટ ખાતે દોડી ગઈ હતી.

GJ-12 DA-3718 નંબરની ક્રેટા કાર હંકારતા શખ્સ દેવુભા નથુભા કલાજી સોઢા (ઉ.વ. ૨૭, રહે. કોરિયાણી, લખપત) અને બાજુની સીટ પર રહેલી સિમરનજીત W/o ગુરુદેવસિંઘ ભૂપેન્દ્રસિંઘ રાયશીખ (ઉ.વ. ૨૮, રહે. પંજાબી વાંઢ, નરા)ની પોલીસે પૂછપરછ કરતાં દેવુભાએ જણાવ્યું કે ગાડી તેના મામાના પુત્ર ચતુરસિંહ અગરાજી જાડેજાની માલિકીની છે અને પોસ ડોડાનો માલ લેવા સિમરનને લઈને તે ગુરુવારે સવારે રાજસ્થાનના બાખાસર ખાતે ગયો હતો.

બેઉ આરોપીના મોબાઈલ ફોન, આઠ લાખની કાર વગેરે મળી કુલ ૯.૨૯ લાખનો મુદ્દામાલ કબજે કરાયો છે.

પોલીસ સૂત્રોએ જણાવ્યું કે સિમરનજીત નરામાં ગ્રામ રક્ષક દળની કર્મચારી તરીકે ફરજ બજાવે છે. કોરોના સમયે તેના પતિનું નિધન થઈ ગયું હતું. લાંબા સમયથી તે ડ્યુટી પર આવી નથી. સિમરન પકડાઈ તે સમયે તેણે યુનિફોર્મ ધારણ કરેલો હોવાનો પણ સૂત્રોએ દાવો કર્યો છે. આ બનાવે થોડાંક સમય અગાઉ ભચાઉના ચીરઈના રીઢા બૂટલેગર સાથે દારૂની ખેપ મારતાં ઝડપાયેલી સીઆઈડી ક્રાઈમની મહિલા કોન્સ્ટેબલની ઘટનાની યાદ તાજી કરી દીધી છે.