હતભાગી સુનીલભાઈના ૫૪ વર્ષિય પત્ની દિપ્તી લોડાયા ગંભીર હાલતમાં હોસ્પિટલમાં સારવાર હેઠળ છે. કચ્છી દંપતી સાથે ઈમારતમાં પત્ની-પુત્ર સાથે રહેતાં ૭૦ વર્ષિય નિવૃત્ત બેન્ક કર્મચારી અરવિંદ ભટકરનું પણ ગંભીર ઈજાથી મૃત્યુ નીપજતાં મોડી રાત્રે મરણાંક બે પર પહોંચ્યો હતો. કલ્યાણ ડોમ્બિવલી મ્યુનિસિપલ કોર્પોરેશનના કમિશનરે જણાવ્યું કે જર્જરીત ઈમારતમાં અગાઉ ૪૦થી વધુ પરિવારો રહેતાં હતાં.

જો કે, ત્યારબાદ અમુક લોકો ફરી રહેવા આવ્યાં હતાં તો કેટલાંકે ધરાર મકાન ખાલી કર્યાં નહોતાં. શુક્રવારે સાંજે ઈમારતમાંથી પોપડાં ખરતાં હોવાની માહિતી મળતાં અમારી એક ટીમ દોડી ગઈ હતી અને અહીં રહેતાં બે પરિવારોને તત્કાળ અસરથી મકાન ખાલી કરવા સૂચના આપી હતી. પાલિકાની ટીમ ત્યાંથી નીકળી તેની પંદર મિનિટમાં જ ઈમારત ધરાશાયી થઈ ગઈ હતી. મોડી રાત્રે પાલિકાની ટીમે રેસ્ક્યુ ઓપરેશનને પૂર્ણ જાહેર કર્યું હતું.