જગા બારમેડાએ આદિપુરના વૉર્ડ 2-બીમાં 778 ચોરસ મીટરની વિશાળ જગ્યામાં ડુપ્લેક્સનું નિર્માણ કરતો હોવાની કચ્છના સ્વઘોષિત લોકપ્રિય છાપામાં જાહેરાત આપીને ઠગાઈની જાળ બીછાવી હતી.

તેની જાળમાં ફસાઈને વિનાયક આનંદાનીએ ૯૮.૦૬ લાખ, રોહતાઝ સૈનીએ ૭૦.૧૧ લાખ, પ્રવિણે ૪૨ લાખ અને અમિતે ૪૦.૫૧ લાખ રૂપિયા બુકિંગ પેટે આપ્યાં હતા. જગલાએ રોહતાઝ સૈનીનું જૂનું મકાન ૭૦ લાખમાં જમા કરીને તે મકાન બીજાને બારોબાર વેચી માર્યું છે. તો, અમિત સુગવાનીના પ્લોટને જમા લઈ તેના પર એલઆઈસીમાંથી ૭૮.૭૫ લાખની લોન લઈને તે ભરી નથી અને પ્લોટ બારોબાર બીજાને વેચી ખાધો છે.

ફરિયાદીઓને ના રૂપિયા પાછાં આપતો ના રહેવા માટે ડુપ્લેક્સ મળતા હતા. જગલાએ માર્ચ સુધી બધાને ખોટાં વાયદા કરેલા અને પછી ધમકી આપવા માંડેલો કે ‘મારો તો આ જ ધંધો છે, અગાઉ આવા ઘણાં કાંડ કરી ચૂક્યો છું. ફરિયાદ નોંધાવી તો બધાને પૂરાં કરી દઈશ’ પોલીસે ફરિયાદ રજિસ્ટર કરી જગલા બારમેડાને પાતાળમાંથી પકડી લાવવા પ્રયાસો આદર્યાં છે.