યુપીના ગૌતમ બુધ્ધનગરમાં રહેતો કાલુ રામસિંગ જાટવ (૨૧) અવારનવાર ગાંધીધામ આવીને, લોહાણા મહાજન વાડીમાં રૂમ રાખીને રોકાય છે. ગાંધીધામ આવી તે કંડલા ફ્રી ટ્રેડ ઝોનમાં ભંગારની લે-વેચ કરે છે. એકાદ માસ અગાઉ કાલુ વતન ગયેલો ત્યારે તેને ભત્રીજો નાગેન્દ્ર ઊર્ફે નાગેશ મળેલો.

કાલુ વિવેકને લઈને ગાંધીધામ આવેલો અને એક-બે દિવસ રોકાઈ વિવેકને લઈ પરત યુપી જતો રહેલો. કાલુને ધંધા માટે નાણાંની જરૂર હતી. ભાઈએ વતનનું ખેતર વેચતાં તેણે કાલુને ઉછીના ૨૫ લાખ રૂપિયા આપેલાં. ૧૨ લાખ કાલુને રોકડાં આપેલા અને ૧૩ લાખ રૂપિયા કેનેરા બેન્કના ખાતામાં જમા કરાવેલાં. બેન્કમાંથી ૧૩ લાખ રોકડાં કઢાવીને કાલુએ કુલ ૨૫ લાખ રૂપિયા એક બેગમાં ભરેલાં. ૩૧ ઑગસ્ટે કાલુ રૂપિયા ભરેલી બેગ સાથે વિવેકને લઈ કાર ભાડે કરીને દિલ્હીમાં મિત્ર રાજેશ પાસે આવેલો.

૧ સપ્ટેમ્બરની સાંજે ચારે જણ ગાંધીધામ આવેલા અને કાલુ ચારેયને લોહાણા મહાજન વાડીમાં રાખેલા રૂમ પર લઈ આવેલો.

કામસર કાલુ અને તેના મિત્રો રાત્રે હિતેશના જ ઘેર રોકાઈ ગયેલાં. પરોઢે પાંચ વાગ્યે હિતેશ ત્રણે જણને પોતાની કારમાં બેસાડીને પરત લોહાણા મહાજન વાડી મૂકી ગયેલો. કાલુ અને તેના બે મિત્રો રૂમ પર પહોંચ્યા તો રૂમને લૉક લાગેલું હતું. કાઉન્ટર પરથી ચાવી લઈને તેમણે રૂમને ખોલ્યો તો વિવેક અને રૂપિયા ભરેલી બેગ ગાયબ હતા.

તેમણે કહેલું કે વિવેકનો હાલ કોઈ અતોપત્તો નથી. મળશે એટલે જાણ કરીને રૂપિયા તરત પાછાં આપી દઈશું. ૯ સપ્ટેમ્બરે વિવેક હરયાણાના રેવાડી હોવાનો પત્તો મળેલો અને નાગેશ તેને પરત હાથરસ લઈ ગયેલો. વિવેક પરત આવી ગયો હોવાની જાણ થયાં બાદ કાલુએ તરત જ પોતાના પૈસા પાછાં આપવા વાત કરેલી. પરંતુ, કાલુ અને તેના પરિવારજનોએ ‘કયા રૂપિયા?’ કહીને હાથ અધ્ધર કરી દીધાં છે. ગાંધીધામ એ ડિવિઝન પોલીસે વિશ્વાસઘાત BNS ૩૧૬ (૪)ની કલમ તળે વિવેક જાટવ સામે ગુનો નોંધી તપાસ હાથ ધરી છે.