જેમાં બાઈક ચાલક પાછળ બેસેલી દરિતા રામજીભાઈ કેરાઈ (ઉ.વ. ૧૮)નું માથા, કમર અને પેટમાં ગંભીર ઈજાથી મૃત્યુ નીપજ્યું હતું. બાઈક હંકારી રહેલા દરિતાના માસિયાઈ ભાઈ સૂરજ કાન્તિલાલ વરસાણી (ઉ.વ. ૨૩)ને માથા અને કમરમાં ગંભીર ઈજાઓ પહોંચી છે. દરિતા અને સૂરજ બેઉ કોડકી ગામે રહે છે. તુલસી વિવાહમાં ભાગ લેવા જવા બેઉ જણ બાઈકથી માનકૂવા ગામે ગયેલાં. બનાવ અંગે માનકૂવા પોલીસે GJ-12 FE-7791 નંબરની બ્લેક સ્કોર્પિયોના ચાલક વિરુધ્ધ ગુનો નોંધી તપાસ હાથ ધરી છે.  

મોરબીથી સામખિયાળી જતા રોડ પર હોટેલ દ્વારકાધીશ સામે અલ્ટો કારને થાર જીપે સામેથી ટક્કર મારતાં યુવાન પરિણીતાનું મૃત્યુ નીપજ્યું છે. ગઈકાલે બપોરે અઢી વાગ્યાના અરસામાં દુર્ઘટના ઘટી હતી. બનાસકાંઠાના કાંકરેજ તાલુકાના શિહોરીનો રહેવાસી પીયૂષ અરવિંદભાઈ ઠક્કર અલ્ટો કારમાં તેની પત્ની અવની અને પુત્રી નિસર્ગીને લઈ વીરપુર ગયેલો.

દુર્ઘટનામાં પિતા અને દીકરીને હળવી મધ્યમ ઈજાઓ પહોંચી હતી જ્યારે અવનીબેનનું સારવાર દરમિયાન મૃત્યુ નીપજ્યું હતું. સામખિયાળી પોલીસે જીપચાલક સામે ગુનો નોંધી તપાસ શરૂ કરી છે.