ભરતની મરણચીસ સાંભળીને માતા ધનબાઈ સફાળા જાગી ગયેલી અને જોયું તો દિયર મેઘજીભાઈ રાઠોડના પુત્ર રમેશે તેના દીકરાનું ખૂન કરી નાખ્યું હતું.

પોલીસની તપાસમાં બહાર આવ્યું હતું કે રમેશની પત્ની પૂજા બનાવના ચારેક વર્ષ અગાઉ રીસાઈને પિયરમાં રહેવા જતી રહેલી. રમેશને શક હતો કે તેની પત્નીને ભરત જોડે આડા સંબંધ હતો. ભરત પણ અવારનવાર પૂજા જતી રહી હોવાના મુદ્દે રમેશને મહેણાં મારતો હતો.

કૉર્ટે બીએનએસની કલમ ૧૦૩ (એ) હેઠળ સખ્ત આજીવન કારાવાસ સાથે ૧ લાખ રૂપિયાનો દંડ તથા ૩૩૨ (એ) અને (બી) હેઠળ ૧૦ વર્ષની સખ્ત કેદ સાથે ૫૦ હજાર રૂપિયાનો દંડ ફટકાર્યો છે. અપરાધી જો દંડની રકમ ભરપાઈ કરે તો વળતરરૂપે ફરિયાદી ધનબાઈને ચૂકવી આપવા અને ભરપાઈ ના કરે તો વધુ દોઢ વર્ષ સુધી સજા લંબાવવા હુકમ કર્યો છે.